Mourinyu "Milan" bilan o'yindagi hakamlik haqida: "Roma" muxlislariga hurmatsizlik g'azablantirdi"

Uchrashuvdan so'ng rimliklar ustozi Joze Mourinyu hakamlarning ishidan norozi ekanligini yashirib o'tirmadi. Rim klubi futbolchilari Zlatan Ibragimovich ularning jarima maydonchalarida yiqilganidan so'ng penalti belgilanganidan keskin norozi bo'lishdi.

Portugaliyalik hakamlarni to'g'ridan-to'g'ri tanqid qilmadi, lekin ularni Rim klubi ishqibozlariga hurmatsizlikda aybladi.

"Roma" muxlislariga hurmatsizlik meni g'azablantirdi. "Milan"ni tabriklayman, bundan ortiq gapirishni xohlamayman. "Roma" muxlislari va klubimizni yaxshi ko'radigan hammaga nisbatan hurmatsizlikdan g'azabdaman. O'yinchilarimni kiyinish xonasida ushlab turdim, ularga hakamlarni yoniga borishga imkon bermadim. Biz hissiyotlarimiz nazoratini saqlab qola oldik", - deya Mourinyuning so'zlarini keltirdi "Football Italia".

Eslatib o'tamiz, hamyurtimiz Eldor SHomurodov kechagi bellashuvning 80-daqiqasida himoyachi Rik Karsdorpning o'rniga zaxiradan maydonga tushirildi.