"Monako" Mbappe PSJ bilan shartnomasini uzaytirishidan 35 mln evro ishlab oladi

RMC Sport malumotlariga ko'ra, parijliklar forvard bilan yangi shartnoma imzolagani tufayli "Monako"ga yana 35 mln evro pul o'tkazib beradi.

Klublar o'rtasidagi kelishuv 2017 yil avgustida imzolangandi. Kelishuvga ko'ra, transfer summasi bo'lgan 180 mln evroni uchga bo'lib to'lanishi ko'rsatilgan: 2018 yil yozida PSJ 90 mln evro, 2019 yil yozida esa yana 55 mln o'tkazib bergan.

Qolgan 35 mln evroni "Monako" faqatgina Kilian PSJ bilan kelishuvni uzaytirsagina, qo'lga kiritardi. Kuni-kecha bu amalga oshdi va endi "shayxlar" "Monako" hisobiga 35 million o'tkazib berishlari zarur.