Mirjalol Qosimov: "SHunaqa o'yinlar ko'p bo'lgani yaxshi"

Terma jamoamiz bosh murabbiyi o'yinning ikkinchi bo'limida maydonga tushdi. 4:4 hisobida yakuniga etgan bellashuvdan so'ng Qosimovning fikrlari bilan qiziqdik.

Havo issiq bo'lishiga qaramay, chiroyli futbol bo'ldi, - deydi Mirjalol Qo'shoqovich. - Darvozalarga sakkizta to'p kiritildi, bu esa muxlislarga yoqdi. Hammamizga malum, avvallari "Paxtakor" va "Qayrat" o'rtasidagi bahslar nihoyatda shiddatli kechardi. Stadionga odam ham ko'p kelardi. Bugungi o'rtoqlik bahsida maydonda to'p tepish bilan birga o'sha damlarni yodga oldik. Qolaversa, "Paxtakor"dagi sobiq jamoadoshlar bilan ham anchadan beri yig'ilmagandik, shu bahonada ko'rishib gaplashdik. Faxriylar o'rtasida mana shunday uchrashuvlarni tez-tez tashkillashtirib turish kerak deb o'layman. Bu ham futbolning ommaviyligi oshishiga olib ketadi. O'z vaqtida nafaqat Qayrat, balki Tojikistonning "Pomir" klubiga qarshi o'yinlar ham derbi maqomida kechardi.

X.Xoliqov yozib oldi.