Mirjalol Qosimov: "Ozarbayjonga qarshi g'alaba uchun o'ynaymiz"

“Ertaga ikki jamoa uchun ham muhim o'yin bo'ladi. Sababi Ozarbayjon Evro-2016 saralashiga tayyorgarlik ko'rmoqda. Biz esa Osiyo o'yinlariga hozirlik ko'rayapmiz. O'ylaymanki ertaga ikkala jamoa ijrosidagi chiroyli futbol guvohi bo'lasiz”, - deb gap boshladi Qosimov.

- Ertaga Ozarbayjon terma jamoasi safida “Karabax” va “Neftchi Boku” klublaridan futbolchilar maydonga tusha olishmaydi. Bu sizning jamoaingiz uchun foydami?
- Yo'q bunday deb o'ylamiman. CHunki ertaga “Neftchi” va “Karabax” Evropa ligasi saralashida o'ynashadi. Ertangi o'yinda har ikki jamoaning ham o'z maqsadi bor va ikkala jamoa ham o'z vazifasi ustida ishlaydi. O'rtoqlik uchrashuvlarida yangi uyinchilarga ham ko'proq imkon berish kerak.



- Ozarbayjonni Evropa chempionati saralashidagi raqiblariga qanday baho berasiz?
- Ochig'ini aytaman raqiblarning barchasi kuchli jamoalar. Masalan, Norvegiya jismonan kuchli futbol ko'rsatadi. Italiya aqlli va guruh favoriti. Umuman barcha jamoalar o'z uslubiga ega.

- Ozarbayjonning o'yini qaysi jamoaga o'xshaydi?
- Ozarbayjon terma jamoasi o'z uslubiga ega va texnikaga ko'proq etibor beradi. AQSHga qarshi o'yinilarni ko'rdim garchi yutqazgan bo'lsangizda juda chiroyli va texnik o'yin namoyish etdingiz.

- Ertangi o'yinning natijasi siz uchun qanchalik muhim?
- Har qanday o'yinda ham g'alaba muhim sanaladi, ayniqsa terma jamoalar miqiyosida.

- Hozirgi Ozarbayjon safida qaysi futbolchini alohida ajratib ko'rsatgan bo'lar edingiz?
- AQSHga qarshi o'yinda tarkibdagi 7-raqamda o'ynagan futbolchi (Vagif Javadov) juda yaxshi harakat qildi. Aynan  

- Bokuga nechta futbolchi bilan keldingiz?
- Biz Ozarbayjonga 20 nafar futbolchi bilan keldik. Ularning aksariyati yoshlar. Oldimizda Osiyo o'yinlari turibdi. SHu bois ham barcha etibor aynan shu yoshlarga qaratilmoqda.

- So'nggi paytlarda terma jamoaga Bahodir Nasimovni chaqirmayapsiz. Bunga sabab nima?
- Aytganimdek hozirda Osiyo o'yinlariga tayyorgarlik ko'rayapmiz. Bundan tashqari u oxirgi oylarda o'yin amaliyotiga ega emas.

- Agar Ozarbayjon Osiyoda bo'lganida nimadan umid qilsa bo'lar edi?
- SHubhasiz Osiyoda yuqori pog'onalarda yurar edi. Fursatdan foydalanib Ozarbayjonga 2016 yil Franciyada bo'lib o'tadigan Evropa chempionatiga yo'l olishini tilab qolaman.


Abdurahmon Fozilov
Boku shahridan championat.asia uchun maxsus