Mirjalol Qosimov: "Maydonda ikkinchi Mirjalol Qosimov ham yo'q"

Biz uchun har bir o'yin muhim sanaladi. Bugun namlik yuqori edi va bu futbolchilarni yugurishiga qiyinchilik tug'dirdi. O'yin yakuniga kelib shogirdlarim charchab qolishdi. O'yinda gol urish uchun vaziyatlar yuzaga keldi. Ammo uni hal etishda shoshma-shosharlikka yo'l qo'ydik. Sentyabrda bizni Osiyo o'yinlari kutib turibdi.

-O'yindan oldin siz Ozarbayjon tarkibida texnik jihatdan kuchli futbolchilar jamlangan deb aytgandiz. Eni ham bu fikringizni bildira olasizmi?
-Ha. Texnik jihatdan kuchli futbolchilar ko'p jamoangizda. To'g'ri, bugun ko'p narsalar o'xshamadi. Lekin bu o'rtoqlik o'yiniku. Bugun biz o'zimizning maydonimizda o'ynagandek bo'ldik. O'zbekistondan kelgan muxlislar bizni chiroyli tarzda qo'llab-quvvatlab turishdi.

-Ozarbayjon tarkibida ko'plab legionerlar bor edi. Nimaga sizning jamoangizda legionerlar yo'q?
-Bugun biz legionerlarsiz o'ynadik. Ular ayni paytda o'z chempionatlarida ishtirok etishmoqda.

-Sizni futbolchilarni tanlashda ko'p tanqid qilishdi. Bugun O'zbekiston ikkinchi tarkibi bilan o'ynadi desak bo'ladimi?
-Ha, bizni mundialga yo'l ololmaganimizdan so'ng tanqid qilishdi. Hozir tarkibimizda yoshartirish ishlari olib borilmoqda. Yangi futbolchilar jalb etilmoqda. Keyingi mundialda ko'plab futbolchilarimizning yoshi o'tib qoladi. SHuning uchun ko'proq yoshlarni jalb etmoqdaman. Biz bugun bilan emas, ertani o'ylab ishlayapmiz.

-Bugun har ikkala jamoalar deyarli ikkinchi tarkibi o'ynashdi. Lekin maydonda zerikarli futbol bo'ldi. Osiyo chempionati shu qadar kuchsizmi?
-Osiyo o'yinlarida 1991-1993 yillarda tug'ilgan futbolchilar qatnashishadi. SHu bois, biz yangi jamoani shakllantirayapmiz va Osiyo o'yinlariga tayyorgarlik ko'ryapmiz.

-Bugungi o'yinda Ozarbayjon chempionatining eng kuchli hujumchilari to'p surishdi. SHularning orasidan siz bilan birga to'p surgan Nazim Suleymanovga hech bo'lmasa 30% o'xshaydigan hujumchilarni ko'rdingizmi?
-Bugun maydonda ikkinchi Nazim yo'q edi. SHuningdek, ikkinchi Mirjalol Qosimov ham yo'q edi. Biz Nazim Suleymanov bilan birga o'ynaganimizdan xursandman. Ayni paytda texnik jihatdan kuchliroq futbolchilar jamlanishgan. Lekin Nazim boshqacha futbolchi edi. U o'yinning "nozik" taraflarini his etib o'ynardi.