Mirko Elichich: "Men ishlagan "Lokomotiv" bilan hozirgisining farqi juda katta"

- O'yin yaxshi o'tdi. Biz ko'p vaziyatga ega bo'lmadik. Raqiblar yaxshi harakat qilishdi. Ikkinchi bo'limda o'yinni o'zgartirishga, bosimdan chiqishga, oldinga o'tishga harakat qildik. Biroq to'pni ko'p ham nazorat qila olmadik. Albatta, bunday holatda to'p uchun ko'proq kurashish kerak bo'ladi. Uzun paslar uchun bizda bo'yi uzun futbolchilar etishmayapti. Bizga bu jihat og'ir tasir qilmoqda. 

- Ikkinchi o'tkazib yuborilgan golda darvozabon qo'pol xato qildi. Biroq u bugungi o'yinni yuqori darajada o'tkazdi. Bunday qo'pol xatoning sababi nimada deb o'ylaysiz: tajribami yoki charchoq?

- To'g'risini aytsam, golni ko'rmay qoldim. Futbolchini zaxiradan tushirishga tayyorlayotgandim. Albatta, u hali yosh. Tajriba kam, bazida etiborni yo'qotib qo'yadi. Istalgan darvozabon ham oddiy zarbalardan keyin gol o'tkazib yuborishi mumkin. Buning uchun ham o'rganishda davom etish kerak. Futbolni mikrosoniyalar hal qiladi. Bir mikrosoniyaga etiborni yo'qotsang, jazolanasan. 

- "Olimpik" Siz istagan futbolni namoyish qilyaptimi? 

- Yigitlar biz qanday futbol o'ynashimiz kerakligini ancha tushunib qolishdi. Eng asosiysi ular maydondagi personal rollarini, jamoaga berilayotgan vazifalarni bilib olishdi. Tushunarliki, har bir o'yinga turli xil vazifalar qo'yilmoqda. Har bir futbolchi boshqacha o'yin namoyish qilmoqda. Ularga o'z o'yinlarini qanday o'zgartirish kerakligini tushuntiryapmiz. Biz endigina birgalikdagi to'rtinchi oyni o'tkazyapmiz. To'rt oy ichida buncha ishlarni qilish oson emas. O'zbek futboliga bir jihat etishmaydi: yosh futbolchilar o'z darajalarini va sifatini yaxshi bilishmaydi.

- Siz "Lokomotiv"da ishlagansiz va bu klub haqida yaxshi bilasiz. "Lokomotiv"ning hozirgi jamoasi haqida nima deya olasiz?

- Bu umuman boshqa jamoa. Men ishlagan paytda jamoa boshqa edi. Murabbiylar boshqacha futbolchilarni izlamoqda, boshqacha uslubni ko'zlamoqda. Bu butunlay boshqacha jamoa. Endi barchasi murabbiylar shtabiga bog'liq. Ular nima yoqayotgan bo'lsa, shuni qilishlari kerak.