Mirjalol Qosimov: “Maydonga chiqib yugurish kerak”

O'yindan so'ng “Qaldirg'ochlar” bosh murabbiyi Mirjalol Qosimov matbuot anjumanida qatnashdi.

- Bugun jangovor durang bo'ldi. Muhlislarga yoqadigan futbol bo'ldi. Qolaversa, “So'g'diyona” qarshi hujumda juda yaxshi harakat qildi. O'z futbolchilarimdan qoniqqanim yo'q. Hozirgi futbolda jismoniy tayyorgarlik birinchi o'rinda turadi. Maydonda chiqib yugurish kerak. Futbolchilar kam harakat qilib raqib jamoani mag'lubiyatga uchratmoqchi bo'ldi. SHuning uchun ham o'yinimiz chiqmadi. Har bir o'yinda oxirgi o'yindek harakat qilish kerak. Futbolchilarning hayollarida ketma-ket “Lokomotiv”, “Nasaf”, “Qo'qon-1912” mag'lubiyatga uchratib, “So'g'diyona”ni bemalol mag'lubiyatga uchratamiz deb o'ylashdi. Bu katta xato. Kerakli ochkolarni yo'qotdik. Keyingi o'yinlarda ishlaymiz, o'ylaymiz.

Oxirgi 2 o'yinda darvozaga to'p kiritolmadik. Bu ustida ishlashimiz kerak. “So'g'diyona” o'z muxlislari oldida chiroyli o'yin namoyish etishmoqchi bo'ldilar. Jamoaga ham yangi murabbiy kelgan. Har bir futbolchi yangi murabbiyga o'zini yaxshi taraflarini qo'rsatkisi keladi. Murabbiy ham shu o'yinlar orqali keyingi o'yinlarga tayyorgarlik ko'radi. Muxlislarga o'z minnatdorchiligimni izhor qilmoqchiman. Qolaversa, “Bunyodkor” muhlislariga minnatdorchiligimni izxor qilmoqchiman. Toshketdan kelib bizga dalda bo'lishdilar.

“So'g'diyona” matbuot xizmati