Milliy terma jamoa 1 oktyabr kuni yig'inni boshlaydi

Milliy terma jamoa 1 oktyabr kuni Toshkentda yig'inga kiradi va oktyabrning 6-sanasigacha mashg'ulot o'tkazadi. 6 oktyabr kuni charter reysi bilan Manamaga uchib ketiladi.

Bahrayn-O'zbekiston uchrashuvi 8 okyatbr kuni Toshkent vaqti bilan 20:00 da boshlanadi. Milliy terma jamoa delegaciyasi 9 oktyabr kuni Toshkentga qaytadi. Bahrayn “N” saralash guruhida 3 o'yindan keyin 3 ochko bilan 4-o'rinda bormoqda. O'zbekiston terma jamoasi esa 3 ta o'yinda 6 ochko jamg'arib, guruhda to'plar nisbati va o'zaro o'yinlardagi yaxshi natija sababli 6 ochko jamg'argan Filippin terma jamoasini ortda qoldirgan holda 2-o'rinni egallab turibdi.

3 ta o'yinda 9 ochko to'plab, 100 foizlik ko'rsatkich bilan guruhda peshqadamlik qilayotgan SHimoliy Koreya bu turni o'z uyida Filippin terma jamoasiga qarshi o'tkazadi. Mazkur o'yin Toshkent vaqti bilan 12:00 da boshlanadi.