Milliy terma jamoa Bokudagi ilk mashg'ulotlarini o'tkazdi

Kecha Toshkent vaqti bilan 11:30da Boku shahriga etib borgan milliy terma jamoa delegaciyasi ayni damda Bokudagi Badamdar mehmonxonasiga joylashgan. Kunning ikkinchi yarmida, terma jamoa Bokudagi Ozarbayjon Futbol Akademiyasining mashg'ulotlar bazasida mashg'ulotlar o'tkazdi.

Bugun, 19 avgust kuni ikkala terma jamoa bosh murabbiylari ishtirokida matbuot anjumani o'tkaziladi.

Avvalroq xabar berganimizdek, milliy terma jamoa bosh murabbiyi Mirjalol Qosimov Bokuga 20 nafar futbolchini olib ketgan.

Eslatib o'tamiz, Ozarbayjon va O'zbekiston milliy terma jamoalari o'rtasidagi o'rtoqlik uchrashuvi 20 avgust kuni Bakcell Arena stadionida bo'lib o'tadi. O'yin esa Toshkent vaqti bilan soat 21:00da boshlanadi.