Mikael Sekeyra: "Qo'l ostimda o'ynagan futbolchi hozir "Barselona"da"

O'yin haqida

- Juda chiroyli o'yin bo'ldi. "Andijon" yaxshi shakllangan jamoa ekan. O'yinga yaxshi tayyorgarlik ko'rgandik, oson kechmasligini bilardik. Dastlabki 20 daqiqalikdan so'ng o'yinni o'z qo'limizga olishga harakat qildik. Ikkinchi bo'limda ham futbolchilarimiz chiroyli o'yin namoyish etishdi. "Lokomotiv" klubi vakillari va futbolchilarini g'alaba bilan tabriklayman. Futbolchilarimiz bugun oldimizda turgan katta vazifani uddalashdi.

"Andijon" jamoasi 1:0 yutib turgandi, bunaqa vaziyatda o'yinni g'alaba bilan yakunlash oson kechmaydi. Raqib jamoa muxlislarini ham tabriklab qolaman, ular juda yaxshi muxlislik qilishdi. Bu maydonga ikkinchi bor kelayapmiz, bu stadionga mehrim tushib qoldi. Jamoa muxlislarini juda hurmat qilaman. O'ylayman-ki, bugun qo'lga kiritilgan g'alabamiz adolatli bo'ldi.

- Kubok uchrashuvida ham, bugun ham jamoangiz "Andijon" ustidan g'alaba qozondi. Sizningcha, "Andijon" jamoangiz uchun qulay raqibmi?

- "Andijon" jamoasi juda yaxshi. CHunki ular birinchi bo'limda juda yaxshi o'yin tashkil etishdi. Ayni damda jamoa bu kabi o'yini bilan quyi o'rinlarga munosib emas.

- Ispaniyalik himoyachi zaxirada qolayotganining sababi nima?

- Bu borada hech qanday muammo yo'q. Har bir futbolchining o'z vazifasi bor. O'zim shuni his qilganligim uchun bugun jismoniy imkoniyati kuchli bo'lgan futbolchilarni maydonga tushirdim.

- SHogirdlaringiz orasida kuchli beshlik chempionatlarida o'ynayotgan futbolchilar bormi?

- Aytish mumkin, "Barselona" jamoasi safida Trinkao o'ynaydi. "Braga"da yordamchi murabbiy bo'lib ishlaganimda aynan u jamoa safida edi.

- "Braga"da muxlislar atmosferasi bilan "Lokomotiv" stadionidagi farq sizga qanday his-tuyg'ularni beradi?

- "Lokomotiv" stadioni menga yoqadi. Maydon holati va chimi alo darajada. Klublar ozgina akademiyalar haqida o'ylab ko'rishi va moliyaviy mablag'lar kiritishi kerak. O'zbekiston futbol associaciyasi ham bu borada ish olib borish kerak, alohida shaharcha tashkil etib terma jamoalarga yosh futbolchilarni tayyorlab borishi kerak.