Mikael Laudrup: "Bizni katta sinov kutyapti"

- “Bunyodkor” bilan bahsga yaxshi tayyorlandik. Raqib juda kuchli jamoa. Garchi Toshkentdagi bahsda kichik hisobda g'alaba qozongan bo'lsak-da, “Bunyodkor” bizga etarlicha tashvish tug'dirgandi. SHuning uchun ham ertaga bizga oson bo'ladi, deb o'ylamayman. “Bunyodkor”ni “pley-off” bosqichida Osiyoning bugungi kundagi grandlaridan biri “Al-Jazira”dan ustun kelgandi. Aslida jamoa ko'rsatayotgan o'yin juda yaxshi. Lekin o'zbekistonliklarga biroz omad etishmayapti. Buni ularning nafaqat bizga qarshi o'tkazgan o'yini balki raqibni o'rganish jarayonida “Persepolis” bilan bahsdagi harakatlarini ham bilganim uchun gapiryapman. Yana qaytarib aytaman, ertaga bizni katta sinov kutib turibdi. Biz Qatarda chempionlik ostonasida turibmiz. Lekin CHempionlar ligasida hali g'olib chiqishga tayyormiz, deya olmayman. Qatar chempionati sekin-asta kuchayib bormoqda. Lekin hali Osiyoning eng kuchli ligasiga aylanib ulgurmadi, - deydi Mikael Laudrup.

- Qatar chempionatida ko'rsatgan so'nggi o'yinimiz muxlislarni ranjitdi. Ertangi bahsda g'alaba qozonib, ishqibozlarimizga yana xursandchilik ulashishga harakat qilamiz. “Bunyodkor” to'sig'idan o'tib olsak, guruhdan chiqish imkoniyatlarimiz keskin oshardi, - deydi Muhammad Abdulrahmon.