Michel: "Ramosni o'rnida bo'lsam "Real"da yana 10 yilni o'tkazgan bo'lardim"

Tomonlar yangi shartnomada maosh borasida kelisha olishmayapti, 34 yoshli himoyachi yozda erkin agentga aylanishi mumkin.

"Real" Ramosni qadrlaydi deb o'ylayman. Agar unga boshqa joyda katta pul taklif qilinsa ham, uni "Real"dagi o'yin bilan taqqoslab bo'lmaydi. Ramosni o'rnida bo'lsam kamroq olsam ham yana 10 yilni o'sha erda o'tkazardim. Har qanday holatda ham unga bolalarini xususiy maktabga berishga pul etadi.

Bunday ittifoq buzilganda, ikki tomon ham katta zarar ko'radi. Ramosning qo'lida shartnoma bor, u "ha" deyishi kifoya. "Real"dan ketish mumkin, ammo chet elda hayot oson emas", - deydi Michel.

Eslatib o'tamiz, Ramos 2005 yildan beri "Real" sharafini himoya qiladi.