So’nggi yangiliklar

07:58"Челси" ва "Арсенал" 80 миллион евролик футболчи учун курашмоқда  0 07:32"Валенсия" Ансу Фатини ўз сафига қўшиб олмоқчи  0 07:05Антони Ла Лига клубига ўтишга яқин  1 02:59Ла Лига. "Барселона" меҳмонда "Хетафе"ни мағлуб эта олмади  79 02:41А Серия. Лукакунинг 78-дақиқада урган голи "Наполи"га "Аталанта"га қарши Бергамодаги ўйинда ғалабани тақдим этди  2 01:20Деле Алли А Серия клубига ўтади  0 00:55Бундеслига. "Байер" ўз уйида "Боруссия Мёнхенгладбах"га 3та гол урди  0 00:33АПЛ. Салибасиз "Арсенал" ғалабани қўлдан чиқарди  13 00:04А Серия. "Ювентус" "Милан"ни мағлуб этиб, тўртинчи ўринга кўтарилиб олди  3 23:40Расман: "Қизилқум" "Насаф" собиқ легионерини трансфер қилди  6 23:29Лига 1. ПСЖ Ҳусановсиз қолган "Ланс" устидан иродали ғалабага эришди  4 23:10Бундеслига. "Бавария" ва "Вольфсбург" ўртасидаги ўйинда 5та гол урилди, "Лейпциг" камбэк сабаб ғалабани қўлдан чиқарди  1 22:39Ўртоқлик ўйини. "Динамо" Россия жамоаси билан дуранг ўйнади  2 22:22Ла Лига. Гризманн 90-дақиқада пенальтидан фойдалана олмади ва "Атлетико" "Леганес"га мағлуб бўлди, жамоа бунгача барча мусобақаларда 15та ўйинда ғалаба қозонганди  23 22:16АПЛ. "Ливерпуль" Нуньеснинг 90+1 ва 90+3 дақиқадаги голлари эвазига "Брентфорд"ни мағлуб этди  18

"Metallurg" yangi mavsumga tayyor! Yangiliklar

"Metallurg" yangi mavsumga tayyor!

Bahorning uchinchi kuni boshlanadigan yangi mavsumga Bekobod shahri ahli va futbol jamoatchiligi tayyor.

Markaziy stadion engil tamirdan chiqarildi. Bezak ishlari poyoniga etkazildi. Tablo, hakamlar, nazoratchi hakam, futbolchilarning kiyinish xonalari qayta ko'rib chiqildi va shay holatga keltirildi. Muxlislar Bekobodga qadimiy va hamisha navqiron Samarqand shahrining “Dinamo” jamoasi tashrifini kutishyapti.

 “Dinamo” bir yillik tanaffusdan keyin yana oliy ligaga qaytdi. Klub O'zbekiston chempionatlarida 650 ta uchrashuv o'tkazib, shulardan 227 tasida g'alaba qozongan. 111 ta uchrashuvda durang qayd etgan. 312 o'yinda esa mag'lubiyat alamini totib ko'rgan. Samarqandliklar raqiblari darvozasiga 807 ta to'p kiritganlari holda, o'z darvozalaridan 952 ta to'p olib chiqishga majbur bo'lishgan. Jamoaning oliy ligadagi eng yirik hisobdagi g'alabasi 2000 yil Angrenning “Semurg'” jamoasiga qarshi uchrashuvda kuzatilgan – 8:0. O'z navbatida “Dinamo”ning milliy chempionatimizdagi eng yirik hisobdagi mag'lubiyati ham 0:8 ni tashkil etadi. 1997 yilda “Neftchi” hamda “Surxon” jamoalari samarqandliklar darvozasiga javobsiz sakkiztadan to'p kiritishgan.



Bekobodning “Metallurg” jamoasi esa o'z ananasiga sodiq qolgan holda asosiy tarkib o'yinchilarining katta qismini o'zgarishsiz saqlab qoldi. O'tgan mavsum bilan qiyoslaydigan bo'lsak, klubni ijarachilar – Javohir Esonqulov, Ergash Ismoilov, shuningdek, Farrux SHotursunov, SHerzod Jalilov, Ulug'bek Xudoyberdiev va Saidjon Abdujabborovlar tark etishdi. Biz ularning barchasiga “Metallurg” FK ning yutuqlariga qo'shgan hissalari uchun minnatdorchilik bildiramiz. O'z navbatida jamoa tarkibiga bu mavsum bir qator yangi o'yinchilar taklif etildi. “Qo'qon 1912” jamoasidan Doston Tursunov, Kamronbek Kopadze, “Olmaliq”dan Doniyor Ismoilov, “Navbahor”dan Islom Isoqjonov, “Bunyodkor”dan Sanjar Qodirqulovlar tarkibimizga kelib qo'shilishdi. “Metallurg”ning sobiq o'yinchilari Alisher Ziyovuddinov hamda Vusol Mageramovlar ham klubimizga qaytib kelishdi.

“Metallurg” yangi mavsumga tayyorgarlik jarayonida Turkiya yig'inida b o'lib qaytdi. U erda xorij mamlakatlari jamoalariga qarshi 5 ta uchrashuv o'tkazib, shulardan 3 tasida g'alaba qozondi (“Akjayik” – 2:0, “Al Naft” – 1:0, “Gelios” – 1:0), 2 ta o'yinda esa imkoniyatni boy berdi (“Volin” – 1:2, “Dnepr” – 0:1). Bundan tashqari mamlakatimiz maydonlarida ham oliq hamda birinchi liganing bir qator jamoalariga qarshi nazorat uchrashuvlari o'tkazildi. Bir so'z bilan aytganda “Metallurg” 2017 yilgi mavsumda muxlislarni xursand etishga shay!



Endi, bekobodliklarning chempionatlarimiz tarixidagi o'yinlariga etibor qaratamiz. “Metallarg” O'zbekiston chempionatlarida shu kungacha 554 ta o'yin o'tkazgan. SHulardan, 181 tasida g'alabaga erishgan, 259 ta o'yinda imkoniyatni boy bergan, 114 ta uchrashuvda durang o'ynagan. Raqiblar darvozasiga 697 ta gol urganimiz holda, o'z darvozamizdan 890 ta to'p o'tkazib yuborganmiz. “Metallurg”ning eng yirik hisobdagi g'alabasi – 6:0. Bekobodliklar 2001 yilda “Semurg'”ni, 2006 yilda “Xorazm”ni va o'tgan mavsum “Mashal”ni o'z maydonida shunday hisobda tor-mor etgan. Eng yirik hisobdagi mag'lubiyatimiz esa 0:7 bo'lib, 2003 yilda “Navbahor”ga, 2004 yili “Nasaf”ga yutqazganmiz.

Bevosita “Metallurg” hamda “Dinamo” jamoalari oliy ligada o'yinlariga to'xtaladigan bo'lsak, bu klublar kuchlilar safida 34 bora to'qnash kelishgan. SHu o'yinlardan 16 tasida samarqandliklar g'olib bo'lishgan, 10 ta o'yinda “Metallurg” g'alaba qozongan. O'zaro o'yinlarda 8 marta durang natijasi qayd etilgan. To'plar nisbati “Dinamo” foydasiga 51:38 ni tashkil qilmoqda. Mana shu o'yinlarda “Dinamo” 56 ochkoni, “Metallurg” esa 38 ochkoni qo'lga kiritgan.Bekobodliklar uchun “Dinamo”ga qarshi o'tkazilgan eng muvaffaqiyatli mavsum 2002 yil bo'lgan. O'shanda R.Mirsodiqov shogirdlari samarqandliklarni har ikkala uchrashuvda dog'da qoldirgan.

“Metallurg”ning “Dinamo” ustidan qozongan yirik g'alabasi – 3:0. “Dinamo”ning o'zaro o'yinlarda bekobodliklar ustidan qozongan eng yirik g'alabasi – 5:0.


Reyting: +4   

Fikrlar

championat.asia
< so’nggi yangiliklarni ko’rish
Яндекс.Метрика