"Metallurg" yangi mavsumda "Paxtakor"ga jiddiy chorlov tashlashga tayyor"

"Bu yilgi transfer kompaniyasidan ko'nglim to'ldi. "Paxtakor"dan Akbar Ismatullaev, Aleksandr Lobanov, Stanislav Andreevning transfer huquqlarini sotib oldik. Kamoliddin Tojiev esa erkin agent sifatida bizga qo'shildi. Faqatgina ikkita yosh futbolchi Ibrohim Yo'ldoshev va Suhrob Nurulloevni ijaraga olganmiz.

To'g'ri, o'tgan yili 5 futbolchi "Paxtakor"dan ijaraga olingandi va o'zaro bahslarda mazkur futbolchilarning xizmatidan foydalana olmaganimiz pand bergandi. SHu taraflama qiyinchilikka duch kelgandik. Lekin men bor haqiqatni aytishim mumkinki, maydonga tushgan yoshlar sof vijdon bilan futbol o'ynashgan. Buni men bemalol yuqori ishonch bilan aytaman. Bu yili esa jamoamiz "Paxtakor"ga katta chorlov tashlaydi. Biz bunga tayyormiz. Nafaqat "Paxtakor", balki boshqa barcha grand jamoalarga ham "Metallurg" kurash taklif etishga qodir.

Jamoa oldidagi vazifa? CHempionat formati va jamoalari soni o'zgarib ketdi. Endilikda jamoamiz kamida 7-o'rindan pastga tushib ketmasligi kerak. Hozircha shuni aytishim mumkin", - dedi Andrey SHipilov.

"Jeparovni Superligada o'ynashiga ruxsat bermaslik qonunan inson huquqlarini poymol qilish bilan barobar" — SHipilov

Superligadagi jamoalar soni o'zgarishini avvaldan sezgan va topgan murabbiy — SHipilovning qura haqidagi dangal fikrlari

Malumot uchun: Rasman tasdiqlanmagan malumotlarga ko'ra, "Metallurg" "Paxtakor"dan sotib olgan 3 nafar futbolchining (Lobanov, Ismatullaev va Andreev) transferi uchun 1 milliarddan, jami 3 milliard to'lagan.