"Metallurg": Vagapov hamda No'monov bilan shartnoma tuzildi

Kecha ushbu futbolchilar rasman “Metallurg” o'yinchilariga aylanishdi.

Har ikkala futbolchi bilan kelishuvga erishildi va bir yillik shartnoma imzolandi. Klubdagi yangiliklardan yana biri uzoq yillar jamoaga fidoiy o'yinlari bilan yordam berib kelgan Ilyos Qurbonov futbolchilik faoliyatini yakunladi hamda murabbiylikka o'tdi. Klub rahbariyati Ilyosning “Metallurg” jamoasi taraqqiyotiga qo'shgan ulushini inobatga olib uni klub ixtiyorida olib qolishga qaror qildi. Bu mavsumdan etiboran I.Qurbonov murabbiylar shtabida ish olib boradigan bo'ldi.

Jamoani tark etganlarga to'xtaladigan bo'lsak, himoyachi Saidkomil Akbarov “Buxoro” o'yinchisiga aylandi. Sunnatilla Mamadaliev esa “Olmaliq”dan “Navbahor”ga ko'chib o'tganligini va Namangan jamoasi bilan shartnoma imzolaganligini qayd etish lozim. SHuningdek, asosiy darvozabonimiz bo'lib kelgan Mamur Ikromov “Lokomotiv” (Toshkent) jamoasi posboniga aylandi. Ignatiy Nesterov jarohat olgach, temiryo'lchilar uning o'rniga munosib nomzod izlashga tushishdi va M.Ikromovning nomzodi ustida to'xtalishdi.

“Metallurg” FK rahbariyati Mamurning nufuzli musobaqalarda qatnashish istagini rad eta olmadi va unga oq yo'l tiladi. Endilikda sobiq darvozabonimiz Osiyo chempionlari ligasida mamlakatimiz sharafini himoya etadi. O'z navbatida “Metallurg” futbol klubi rahbariyati, o'yinchilari va muxlislari klub rivojiga munosib hissa qo'shgan barcha o'yinchilariga minnatdorchilik bildiradi va kelgusi faoliyatlarida omad yor bo'lishini tilaydi.