“Metallurg”: Tug'ilgan kunga jamoadoshlardan sovg'a

O'yindan oldin jamoadoshlar bugun o'zining 27-bahorini qarshilayotgan Doniyor Odilovni tavallud ayyomi bilan samimiy tabriklashdi. O'z navbatida “Metallurg” jamoasi pleymeykerlaridan biri Ayubxon No'monovni esa qiz farzandlik bo'lganligi bilan qutlashdi.
Jamoadoshlardan esa eng yaxshi sovg'a – qanday nufuzdagi o'yin bo'lmasin, unda g'alaba qozonishdir. Bekobodliklar “Bunyodkor” futbol klubi yoshlar tarkibini yirik hisobda dog'da qoldirishdi va xursandchiligini baham ko'rayotgan do'stlariga munosib tuhfa tayyorlashdi. Uchrashuvning birinchi bo'limida Mirg'iyos Sulaymonovning burchakdan etkazib bergan to'pini Zohid Abdullaev raqib darvozasiga joylab hisobni ochdi. Ikkinchi  taymda esa “Metallurg”ning tajriba borasida ustunligi yaqqol ko'zga tashlandi va ular yana ikki marta muvaffaqiyat qozonishdi. Avvaliga jamoa sardori Hikmat Hoshimov gol kiritgan bo'lsa, uchrashuv yakunlanishi arafasida Mirg'iyos Sulaymonov o'zini ko'rsatdi.
 
“Metallurg” – “Bunyodkor” (yoshlar tarkibi) – 3:0 (1:0)
Hakamlar:Rustam Lutfulin, Timur Galeev, Akbar Po'latov.
Gollar:Zohid Abdullaev (20), Hikmat Hoshimov (67), Mirg'iyos Sulaymonov (83).
“Metallurg”: Suhrob Sultonov, Mirg'iyos Sulaymonov, Hikmat Hoshimov, Davron Karimqulov, Ulug'bek Xudoyberdiev, Vusol Magerramov, Murod Toshmatov, Doniyor Odilov, Ayubxon No'monov, Jahongir Abdumo'minov, Zohid Abdullaev.
Ikkinchi taymda maydonga tushganlar:Zafar Safoev, Dilmurod Karimov, Jasur Ahmedov, Sunnat Ermatov, Ozod Komilov,Zohid Raupov, Jasur Hakimov.
“Bunyodkor” (yoshlar tarkibi):Abdukarim Muhamedov, Yusuf Ergashev, Arslon Elbekov, Bosit Rahimov, Bekzod Nishonboev, Davron Umirov, Abdulla Islomov, Sunnat Abdullajonov, Elbek Ravshanov, Azamat Roziqov, Mirjahon Rahmatov.