"Metallurg" qaerga ketyapti?

SHu tariqa "Metallurg" mavsumdagi 13-mag'lubiyatini qabul qilib oldi va bu borada barchadan o'zib ketdi ("Surxon" bilan birga). Bu yilgi Bekobod klubini tanib bo'lmayapti. Jamoa ayni paytda 19 ochko bilan musobaqa jadvalida 10-bo'lib turibdi. Xavfli hudud bilan oradagi tafovut atigi 3 ochko. 

Etibor qiling, "Metallurg" so'nggi 9 o'yinda 27 ochkolik imkoniyatdan atigi 3 ochko to'pladi. Jamoa oxirgi 3 oyda 4 ta gol urdi, xolos. 

Turnir jadvalida "Metallurg"dan ortda qolayotgan 4 klubning ("Mashal", "Andijon", "Surxon", "Turon") barchasi oxirgi 9 turda nisbatan yaxshiroq natija qayd etdi. Bu davrda Superligadagi eng yomon klub aynan "Metallurg" bo'lib turibdi. Agar Jasur Abduraimov o'z shogirdlarini zudlik bilan o'zgartirmasa, jamoa Pro liga sari dadil odimlamoqda. Voqealar rivoji shu taqlid davom etsa, "Metallurg" 1 turdan keyin autsaydarlar zonasiga tushib qoladi.

O'tgan yilgi mavsumga etibor qaratamiz. 2020 yilning 20-turidan keyin Andrey SHipilov jamoasi hisobida 32 ochko bor edi (hozirgidan 13 ochko ko'proq). Jamoa 6-o'rinda bo'lib, xavfli hududdan 20 ochko oldinda bo'lgani holda elitada qolishni kafolatlab bo'lgandi.

Yuqorida "Metallurg" Pro ligaga tushish uchun davogarlardan biri, deyildi. Jamoaning bo'lajak raqiblari haqidagi malumot jamoa muxlislarining bu boradagi xavotirini yanada kuchaytirsa kerak.

21-tur. "Metallurg" — "Lokomotiv" (8-o'rin)

22-tur. "Nasaf" (6-o'rin) — "Metallurg"

23-tur. "Metallurg" — AGMK (3-o'rin)

24-tur. "Navbahor" (6-o'rin) — "Metallurg"

25-tur. "Metallurg" — "Turon" (14-o'rin)

26-tur. "Qizilqum" (7-o'rin)  — "Metallurg"

Xullas, Bekobod jamoasida ahvol og'ir. Yuqoridagi savollarga esa mavsum oxirida javob topishimiz mumkin.

"Surxon"ga bitta "zarb" etadi