“Metallurg” nazorat uchrashuvida “Qo'qon 1912”ga imkoniyatni boy berdi

Birinchi taymda bekobodliklar asosiy tarkibda harakat qildi va ularda hisobni ochish uchun bir qator imkoniyatlar bo'ldi. Ammo jamoalar tanaffusga 0:0 hisobida chiqib ketishdi. Ikkinchi taymda esa “Metallurg” murabbiylari yoshlar tarkibini hamda jamoada ko'rikda bo'lib turgan futbolchilarni maydonga tushirdi. Vodiyliklar murabbiyi Murod Ismoilov esa aksincha o'yin boshidagi tarkibni saqlab qoldi va taym davomida yangi kuchlarni maydonga tushirib, o'yin tempini oshirib bordi. Bekobodliklarda yosh o'yinchilar tom manoda o'zlarini ko'rsatishga urinishdi. CHiroyli, hujumkor futbol ko'rsatishlari barobarida tajribasizliklari bois juziy kamchiliklarga ham yo'l qo'yib turishdi. Natijada shunday xatolardan biri darvozaning ishg'ol etilishi bilan yakunlandi.


“Metallurg” – “Qo'qon 1912” – 0:1 (0:0).
Hakamlar: Olim To'ychiboev, Doniyor Saylavov, Nabijon Ro'ziev.
“Metallurg” (1-taymda): Suhrob Sultonov, Mirg'iyos Sulaymonov, Hikmat Hoshimov, Davron Karimqulov, Murod Toshmatov, Dilmurod Karimov, Doniyor Odilov, Said Abdujabborov, Ruslan Vagapov, Ayubxon No'monov, Zohid Abdullaev.
“Metallurg” (2-taymda): Timur To'ychiev, Jasur Ahmedov, Omam-Biyik Xalilov, Ulug'bek Xudoyorov, Jasur Ahmedov, Sunnat Ermatov, Ulug'bek Boqiev, Ozod Komilov, Siroj Toshpo'latov, Ulug'bek Dadaboev, Sardor Rasulov.

Endi “Metallurg” futbolchilari navbatdagi ikki uchrashuvni “Bunyodkor” futbol akademiyasi maydonida mezbonlarning yoshlar tarkibi – “Bunyodkor-2” (16 yanvar) hamda “Mashal” (19 yanvar) jamoalariga qarshi o'tkazishadi.