“Metallurg” gvardiyachilari
13 apr 2016 12:00
Yangiliklar

“Metallurg” gvardiyachilari

Bu yil oliy ligada o'zining o'n to'qqizinchi mavsumini o'tkazayotgan Bekobodning “Metallurg” jamoasi o'yinchilaridan birinchi bo'lib jamoa sardori Hikmat Hoshimov 400 dan ziyod uchrashuvda maydonga tushgan futbolchiga aylandi.

Agar uning O'zbekiston terma jamoasi tarkibidagi hamda klublarda xalqaro musobaqalar, turnirlar hamda O'zbekiston kuboklaridagi barcha ishtiroklarini hisobga oladigan bo'lsak, nufuzli darajadagi o'yinlari soni 500 ga yaqinlashib qoldi. Hikmat Hoshimovdan keyingi pog'onani “Metallurg” klubida ayni paytda murabbylar shtabida faoliyat yuritayotgan Odil Isaboev egallab turibdi. O.Isaboev oliy liga o'yinlarining 346 tasida maydonga tushgan. Yana bir faxriy o'yinchi G'ulom Halimtoev esa undan bitta uchrashuvda kam ishtirok etgan – 345 ta o'yin. Bekobodliklar safida ajoyib o'yinlari, chiroyli gollari bilan ishqibozlar qalbidan joy olgan Ilyos Qurbonovning mamlakat chempionatlaridagi o'yinlari soni esa 320 tani tashkil etadi.

"Metallurg" matbuot xizmati

Havola :

Manba : championat.asia

Yangiliklarni Telegramda o'qing!

Reyting: -1