"Metallurg" Davron Ergashev bilan xayrlashdi

Klub tojikistonlik tajribali himoyachi Davron Ergashev bilan o'zaro kelishuvga binoan shartnomani bekor qildi. 

Davron Ergashev “Metallurg”ga 2024 yil boshida Toshkentning “Bunyodkor” jamoasidan kelib qo'shilgandi. Yarim mavsum davomida Ergashev “Metallurg” libosida Superliganing 9 ta uchrashuvida maydonga chiqdi: 7 ta o'yinni boshlang'ich tarkibda boshlagan bo'lsa, 2 ta bahsda zahiradan o'yinga tushirildi. 662 daqiqalik faoliyati davomida u 1 marta sariq kartochka bilan jazolandi. O'zbekiston kubogining guruh bosqichi bahslarida esa ikkita o'yinni maydonda to'liq o'tkazdi.

“Metallurg” futbol klubi Davron Ergashevga Bekoboddagi faoliyati uchun minnatdorlik bildiradi va uning kelgusi faoliyatiga omad tilaydi.