Meksika-2011 qahramonlari. Jasur Hakimov: "O'smirlarimizdan sovrinli o'rinlardan birini kutmoqdaman"
18 okt 2013 14:23
Yangiliklar

Meksika-2011 qahramonlari. Jasur Hakimov: "O'smirlarimizdan sovrinli o'rinlardan birini kutmoqdaman"

Kechadan boshlab start olgan BAAdagi o'smirlar o'rtasidagi Jahon chempionati haqida avvalgi mundialda ishtirok etgan futbolchilarimiz o'z fikrlarini saytimiz orqali bildirib boradi.

Bugun bo'lib o'tadigan O'zbekiston - Panama uchrashuvi haqida "Paxtakor" klubi va sobiq o'smirlar terma jamoasi futbolchisi Jasur Hakimov o'z fikrlarini bildirib o'tadi.

"Mana shu o'smirlar jamoamiz juda kuchli shakllangan va yaxshi murabbiyga ega terma jamoadir. Ulardan bemmalol sovrinli o'rinlar uchun kurashuvchi jamoa deb bilmoqdaman. Ular buni eplay oladilar deb o'ylayman. Birinchi o'rinda ularga omad tilayman. O'ylashimcha bugun o'smirlarimiz g'alaba qozonsa guruhdan chiqa oladi. Kayfiyatini zo'r qilib maydonga tushsa, hayajon bosilib natijaga erishsa bo'ladi.

Meksikadagi birinchi o'yinda bitta goldan so'ng yigitlarimizda ishonch yo'qoldi va ketma-ket yana uchta to'p o'tkazib yubordik. Yigitlar har qanday holatda ham o'zlariga bo'lgan ishonchni saqlab qolishsin. Yurtimizga yorug' yuz bilan qaytishadi nasib bo'lsa" - deya fikrlarini bildirib o'tadi "Meksika-2011" ishtirokchisi Jasur Hakimov.

Havola :

Manba : championat.asia

Yangiliklarni Telegramda o'qing!

Reyting: