Mbappega Saudiya Arabistoniga ketishni maslahat berishdi

Franciya terma jamoasi, "CHelsi" va "Milan" kabi klublarda to'p tengan sobiq himoyachi Marsel Desayi Mbappening keyingi faoliyati haqida o'z fikrini bildirdi. Himoyachining fikricha, "Real" Kilian uchun to'g'ri tanlov bo'lmasligi mumkin.

"Men buni avval ham aytdim. Agar Mbappening o'rnida bo'lganimda boshqa qitaga ketgan bo'lardim.

"Real" u uchun ideal variant ekanligiga shubham bor. CHap qanotda Vinisius bor. Jud Bellingem kabi katta ishni bajaruvchi o'yinchilar ham "Real"da. Kilian Madridda o'zi xohlagandek birinchi raqam bo'la olmaydi. 

Holatga futbol biznesi tomondan qaralsa, men 350 mln evro maosh evaziga bir yilga Saudiya Arabistoniga ketgan, keyingi, yani Jahon chempionati mavsumida esa ortga qaytgan bo'lardim", -deydi Marsel Desayi.