Maurisio Pochettino: “Birinchi bo'limda gol o'tkazmaganimiz baxtimiz”

“Har ikkala jamoa uchun ham o'yin oson kechmadi. “Siti” birinchi bo'limda haqiqatan ham juda yaxshi o'yin ko'rsatdi va ular bundan ko'prog'iga loyiq edilar. Birinchi bo'limni 0:0 hisobida yakunlaganimiz bizning baxtimiz.

Tanaffusdan keyin o'yin teng kurashlar ostida kechdi. Biz ikkita gol o'tkazdik va bunday holatda o'yinga qaytish qiyin edi. Ammo futbolchilarim o'zlariga ishonchni yo'qotishmadi va biz o'zimiz uchun muhim bo'lgan ochkoni qo'lga kiritidik.

Birinchi daqiqalardanoq “Siti” futbolchilari o'tgan turdagi alamli mag'lubiyatni unutish uchun juda yaxshi o'yin ko'rsatishdi. Ruhiy jihatdan ham ular yaxshiroq taassurot qoldirishdi. SHogirdlarim esa tashabbusni raqibga berib qo'yishdi. Tanaffusda men ularga aynan shular haqida gapirdim. Bir qator vaziyatlarda biz agressiv harakat qilishimiz va xotirjam hujum qilishmiz lozim edi.

“Siti” yaxshi o'yin ko'rsatdi. Ammo futbolda bazi vaqtlarda,  ko'rsatishing lozim bo'lgan o'yinni namoyish eta olmayotgan vaqtlarda o'zingga bo'lgan ishonch katta yordam beradi”, deydi Pochettino.