So’nggi yangiliklar

15:10Маркус Рэшфорд Евро-2024га бора олмаслиги мумкин  0 14:38Парехо Винисиус ҳақида: "Ажойиб спортчи, аммо ўйинчилар ўзини футболга бағишлаши керак. Мени пиёниста дейишарди, лекин бунга эътибор бермаганман ва жавоб қайтармаганман – бундай одамлардан юқорироқ бўлиш зарур"  0 13:47Суперлига. 9та клуб дастлабки 3та турда фақат бир хил формадан фойдаланди. Бунга сабаб нима?  4 13:44"Манчестер Юнайтед" "Реал" футболчисини сотиб олмоқчи  0 13:23Хавининг дисквалификацияси бўйича апелляция рад этилди   1 12:50Ўзбекистон кубогининг саралаш босқичига қуръа ташланди  3 12:15Месси: "ЖЧ-2022да ғолиб бўлмаганимизда, мен терма жамоадан кетардим"  2 11:53Начо ва Васкес "Реал" билан шартномасини узайтиради  2 11:23"Шўртан"нинг мавсумдаги илк ғалабаси қандай қўлга киритилди?   0 10:37Футзал. Терма жамоамиз бугун Қирғиз Республикасига қарши баҳс олиб боради  0 10:00Хави «Барселона»да қолиши мумкин, бироқ бош мураббий сифатида эмас  4 09:24Месси футболдан ташқари яна қайси спорт турларига қизиқишини айтди  13 08:50Про лига. Бугун турнинг марказий учрашуви бор  8 08:34Шеригини «нокаут» қилган Бекмуродов жарима тўлайди. ЎФА Тартиб-интизом қўмитасининг қарорлари эълон қилинди  17 08:21Депайнинг агенти: «Бу ёлғон»  10

Mate Vatsadze: "AGMK bunday ahil va inoq jamoa bilan yuqori vazifalarni uddalashga qodir" Yangiliklar

Mate Vatsadze: "AGMK bunday ahil va inoq jamoa bilan yuqori vazifalarni uddalashga qodir"

Teglar :  AGMKMate Vatsadze
AGMK jamoasining yangi transferiga aylangan gruziyalik hujumchi Mate Vatsadze klub matbuot xizmatiga AGMKdagi ilk taassurotlari bilan o'rtoqlashdi.

— "Avvalo barchaga “qaynoq” salom! Yangi jamoa, yangi maqsad va yangi marralar sari qadam qo'ydim. AGMK jamoasi haqida Elguja Grigalashvili orqali eshitib, bu klub naqadar savlatli, muhit juda yaxshi va barcha ishlar yo'lga qo'yilganini tushundim. Kelib ko'rgach, jamoa bilan bevosita tanishgach, o'zim istagan kollektivga kelganimni angladim. Ayniqsa oxirgi jamoadagi tanlovim va yangi klubimiz o'rtasidagi farq hamda tafovut naqadar katta ekanligini tushundim va o'zbek futboliga bo'lgan qarashim va munosabatim yaxshi tarafga o'zgardi. SHuningdek, o'tgan yilning ikkinchi qismi, yani bu chempionatga kelgunga qadar O'zbekistonda Maxaradze va SHota Arveladze faoliyat olib borayotganini eshitgandim. Lekin o'zbek futboli bilan yaqindan tanish emasdim. 

AGMKda barchasi reja asosida tizimli yo'lga qo'yilgan. Mashg'ulotlar jarayoni, maydondan tashqaridagi jarayonlar, murabbiylar shtabi hamda futbolchilardan tortib qolgan personallar ham o'z ishini yaxshi sifatda amalga oshirishini ko'rdim. To'g'ri, bu men uchun yangilik emas. CHunki Evropada ko'p yillardan buyon to'p tepganman. Lekin Evropadan tashqari faoliyatimda ishi noprofessional darajada yo'lga qo'yilgan klubda qisqa fursat o'ynaganim uchun, AGMK misolida yana Evropadagidek ish yaxshi tashkillashtirilgan jamoaga kelganimdan xursandman.

O'zbek futbolini kuzatib kelmoqdaman. Har bir jamoa ishtirokidagi o'yinlarni imkon qadar kuzatishga, o'rganishga harakat qilyapman. Yangi mavsumda xoh jamoaviy, xoh shaxsiy bo'lsin, maqsadlarim yuqori. O'ylashimcha, AGMK bemalol yuqori vazifalarni uddalashga qodir jamoa. Muhimi va bizdan talab qilinadigani - barcha o'z ishini sidqidildan va bunga bor kuch-g'ayratini safarbar qilgan holda ishlasa bo'lgani. Bu nafaqat futbolchi yoki murabbiylar shtabiga bog'liq, balki jamoadagi har bir personal yoki bo'limlar bir maromda tekis ishlashi kerak. Hammamiz bir maqsad yo'lida birlasha olsak, marra qilinayotgan cho'qqiga chiqish mumkin.

AGMKda aynan bir futbolchini yaqin do'stimga aylandi yoki kimdir bilan nisbatan yaxshi munosabatdaman deb ajrata olmayman. Bu erda muhit alo darajada va meni barcha juda iliq kutib oldi. Hali aytganlarim shunchaki yuzaki emas, balki samimiy gaplar. Hamma juda ahil va inoq. Elgujadan tashqari qolgan barcha futbolchilar ham tezroq jamoaga kirishib ketishim uchun harakat qilib, yordam berishdi. Men jamoaga yangi kelib qo'shilganimni tezda unutdim. AGMKda alohida tabaqalanish yo'q. Barcha samimiy va inoq. SHu boisdan ham mendan tashqari yangi kelgan ko'plab futbolchilar dastlab yaxshi muhitni alohida qayd etishadi. Mirjalol Qosimov boshchiligidagi murabbiylar shtabi ahil va inoq kollektiv shakllantira olishgani ko'rinib turibdi. Bu balki maydonda ko'rinmaydigan, lekin jamoaviy o'yin va natijalarga tasir qiladigan muhim omil. 

Olmaliqlik muxlislarga avvalo meni iliq kutib olishgani uchun rahmat aytaman. Ijtimoiy tarmoqlar orqali buni sezdim va bu menga qo'shimcha motivaciya va kuch bermoqda. Men shuni vada beramanki, har kuni, har mashg'ulot va barcha o'yinda men jamoam yutug'i uchun qo'limdan kelgan hamma ishni bajarishga harakat qilaman. AGMK uchun yangi mavsumda jonimni berib o'ynamoqchiman. Salomga yarasha alik bo'lishi kerak. Men AGMKda o'zim uchun yangi chorlov bo'lganini his etmoqdaman. Maydonga tushgach bor iqtidorni ishga solish kerak. Buni esa bajaraman. Tezroq chempionat boshlansayu, men yangi jamoam libosida maydonga tushsam. Hozir aynan shu onlarni intiqlik bilan kutmoqdaman", - dedi Mate Vatsadze.

Reyting: +6   

Fikrlar

championat.asia
< so’nggi yangiliklarni ko’rish
Яндекс.Метрика