Masofadan boshqariladigan mashinalar Germaniyadagi uchrashuvni to'xtatib qo'ydi
18 fev 2024 21:22
Yangiliklar

Masofadan boshqariladigan mashinalar Germaniyadagi uchrashuvni to'xtatib qo'ydi

Teglar : Bundesliga 2 Gamburg Hansa Rostok

Germaniyaning 2-darajali Bundesligasidan o'rin olgan "Hansa Rostok" va "Gamburg" o'rtasidagi o'yin o'zidan tutun chiqaradigan hamda masofadan boshqariladigan mashinalar tomonidan bir muddat to'xtatib qo'yildi.

Uchrashuv boshlanganidan 10 daqiqa o'tgach, ikki mashina maydonga kirib, o'zidan oq va ko'k rangdagi tutun chiqargan.

Styuardlar mashinalarni maydondan olib chiqishgunga qadar o'yin to'xtatib turildi.

Foto: Getty Images

Germaniya bo'ylab Bundesligadagi ulushlarni xususiy sarmoyadorga sotish bo'yicha taklif qilingan kelishuvga qarshi norozilik sifatida xuddi shunday namoyishlar uyushtirilmoqda.

SHanba kungi Bundesliganing beshta o'yinidan to'rttasi norozilik namoyishlari bilan to'xtatildi, muxlislar maydonga tangalar va toshlar uloqtirishgan.

Foto: Getty Images

Noroziliklar Bundesligani tashkil etuvchi nemis klublari guruhi DFLning butun dunyo bo'ylab ligani bozorga chiqarish va targ'ib qilish uchun kapital kiritish evaziga bo'lajak televidenie huquqlarining 8% ulushini sotish rejasiga javob tarzida namoyish etilmoqda.

Taklif dekabr oyida nemis klublarining uchdan ikki qismi tomonidan maqullangan, biroq tarafdor guruhlari yana bir ovoz berishni talab qilmoqda.

Havola :

Manba : BBC Sport

Yangiliklarni Telegramda o'qing!

Reyting: +1