Mashrab Odilov: "Guruhimizdagi barcha jamoalar bir-biriga juda munosib"
15 iyu 16:45
Yangiliklar

Mashrab Odilov: "Guruhimizdagi barcha jamoalar bir-biriga juda munosib"

Teglar : Mashrab Odilov O'zbekiston futzal milliy terma jamoasi

BMB va O'zbekiston futzal milliy terma jamoasi futzalchisi Mashrab Odilov saytimizga kichik intervyu berdi

- BMB jamoasi joriy mavsumda "oltin dubl" qayd etdi. Mavsum jamoa uchun qanday o'tdi?

- Final bahsi muxlislarga yoqdi degan umiddaman. "Oil-Star" juda kuchli jamoa ekanligini bilar edik. Final bor yo'g'i bitta uchrashuvdan iborat va shu sababli bugungi o'yin teng kurashlar ostida kechdi. Mavsum avvalida mag'lubiyatga uchradik. Qiyin vaziyatdan chiqib keta oldik. Mehnat evaziga o'z maqsadimizga erishdik.

- Yaqinlashib kelayotgan Jahon chempionatidagi dastlabki raqiblarimizni bilib oldik. Guruhimiz haqida nimalar deya olasiz? Mundialga uch oydan kamroq vaqt qoldi. Tayyorgarlikni qachon boshlaysizlar?

- Bugun mavsum yakunlandi. Buyog'iga faqat terma jamoa haqida o'ylaymiz. Mundialga ko'p vaqt qolmadi. Guruhimizdagi har bir jamoa bir-biriga juda munosib. Kim kuchliroq va yaxshiroq o'yin namoyish etsa guruhda g'olib bo'ladi.