Masharipovning yangi jamoasi o'tgan yilning oxirgi o'yinida g'alaba qozondi
01 jan 2021 14:14
Yangiliklar
![](https://championat.asia/upload/storage/612369_original.jpg)
![](/upload/storage/612369_220.jpg)
Masharipovning yangi jamoasi o'tgan yilning oxirgi o'yinida g'alaba qozondi
Kecha bu klub Saudiya Proligasining 11-turni safarda "Al Faysali"ga qarshi o'tkazib, 3:2 hisobida g'alaba qozondi. Mazkur bahsda Nordin Amrabat, Sulton Al Gannam, Rayed Al Gamdi tomonidan kiritilgan gollar "Al Nassr"ga g'alaba keltirdi.
Masharipovning yangi jamoasi 2:0 hisobida oldinda borayotib, keyinchalik mezbonlar hisobni 2:2 ko'rinishga keltira olishdi. 85-daqiqada hisob tenglashgan bo'lsa, oradan bir daqiqa o'tib Rayed Al Gamdi jamoasiga g'alaba keltirgan gol muallifi bo'ldi.
Bu "Al Nassr" uchun o'tgan yilning oxirgi o'yinidagi oxirgi g'alaba, yangi murabbiy Alen Xorvat uchun esa ilk o'yindagi ilk yutuq bo'ldi. Eslatib o'tamiz, "Al Nassr" 11-turdan so'ng 11 ochko bilan turnir jadvalida 12-o'rinni egallab turibdi. Saudiya chempionatida 16ta jamoa ishtirok etadi.
"Al Nassr" navbatdagi turni 8 yanvar kuni o'z maydonida "Al Ayn"ga qarshi o'tkazadi. SHu o'yinda Jaloliddin Masharipovning debyuti amalga oshishi kutilmoqda.
O’xshash yangiliklar
![AMP Logo](https://championat.asia/image/logo-amp.png)
Fikrlar