"Mashal": Tayyorlov guruhlari. 7-turda bir g'alaba, bir durang

Musobaqaning 6-guruhidan joy olgan jamoalar o'rtasidagi bir uchrashuv bugun Navoiy viloyatida bo'lib o'tdi. Ikkinchi bosqichning so'nggi 7-tur bahsi “Qizilqum”(Navoiy)-“Mashal”(Muborak) jamoalari tayyorlov guruhlari o'rtasida bo'ldi.

1999-2000 yillarda tug'ilgan o'smirlardan iborat tayyorlov guruhlari o'rtasidagi bahsda ikki jamoa jangovor 2:2 hisobidagi durangga rozi bo'lishdi. Mikola Lapa shogirdlarining gollariga Siyovush Yoqubov va Doniyor Umarov mualliflik qildi.

2001-2002 yillarda tug'ilgan o'smirlar o'rtasidagi navbatdagi tur uchrashuvlari esa qizg'in va murosasiz kechdi.

Jonibek Egamberdiev va Ikrem Repatov shogirdlari bo'lgan yosh "mashal”chilar safarda o'zlarining ajoyib uchrashuvlaridan birini o'tkazishdi. Muboraklik yosh charm to'p ustalari Navoiylik tengdoshlariga hech qanday imkoniyat qoldirishmadi, ular tenqurlariga nisbatan 2:0 hisobida ustun kelishdi. Gollarni Normirzaev va G'offorovlar kiritdi.

Eslatib o'tamiz, birinchi davrada “Mashal” jamoasi o'z maydonida “Qizilqum”ga qarshi bahsda 3:1 hisobida g'alaba nashidasini surgan edi.

Muboraklik yosh futbolchilar safardagi muhim g'alabadan so'ng 16 ochko bilan turnir peshqadamiga aylanib olishdi.

Tayyorlov guruhlari o'rtasida so'nggi tur bahslari 17 oktyabr kuni bo'lib o'tadi. SHu kuni tayyorlov jamoalarimiz Qarshida "Nasaf" o'smirlariga qarshi maydonga chiqadi va guruhlar yakunlanadi.