"Mashal" stadionida ish qizg'in

Endi muboraklik muxlislarning kelasi yil “Mashal”dan umidlari katta. Bunga javoban futbolchilar ham astoydil harakat qilishlari turgan gap. 

“Gazchilar” yangi mavsumga tayyorgarlik ko'rishni hozirdanoq boshlashgan. SHu kunlarda Bahrom Vafoev nomidagi asosiy stadionda tamirlash, shuningdek, maydonga yangi o'g'it ekish ishlari davom etmoqda.

Malumki, Muborakdagi stadion maydoni yurtimizdagi eng yaxshi maydonlardan biri hisoblanadi. Bu erga kelib to'p surgan har bir jamoa maza qilib futbol o'ynab ketadi.

Maydonning ko'rkam holatga kelishida Xo'jamurod Kazakov boshchiligidagi stadion ishchilarining xizmati nihoyatda katta. O'ylaymizki, kelasi yil bahor oylariga kelib, ayni chempionat boshlangan pallada maydon ko'rkam holatda bo'ladi.