"Mashal" muxlislar fan-klubiga azolik boshlandi

Muborakning "Mashal" klubi yangi mavsumga yuqori maqsadlar bilan yo'lga chiqmoqda. Bu yo'lda klub hamisha muxlislar madadiga tayanadi. SHu bois yangi boshlanajak mavsumga fan-klub azolari ham tayyorgarlik ishlarini boshlab yubordi. Katta tashkilotchilik bilan tashkil etilayotgan fan-klub bu yilda o'zgacha faoliyat olib boradi. Buning uchun muxlislarga kerakli bo'lgan  sharoitlar yaratib beriladi.

Fan-klub etakchisi Odil Aymamatov va fan-klub ish yurutuvchisi SHuhrat Safarov  yangi mavsum uchun muxlislarni ro'yhatdan o'tkazish boshlanganligini malum qildi. "Mashal" fan-klubiga azo bo'lishni istagan futbol ixlosmandlarini murojat etishlarini so'raymiz. Fan-klubga azo bo'lishni istagan muxlislar uchun yosh chegaralanmagan. Azo bo'lish uchun ikki dona fotosurat, bir dona shaxsni tasdiqlovchi hujjat nusxasi (guvohnoma, pasport), turar joyidan malumotnoma taqdim etishlarini so'raladi.

Fan-klubga azo bo'lgan muxlislar nafaqat uy uchrashuvlarini, balki safar o'yinlarida ham jamoamizni stadiondan turib qo'llab-quvvatlash imkoniyatiga ega bo'ladi.

Qo'shimcha malumotlar uchun quyidagi telefon raqami orqali bog'lanishingiz mumkin: +998912629082 (Odil Aymamatov)