"Mashal" akademiyasi yopildi

Bizgacha etib kelgan malumotlarga qaraganda, kecha Muborak shahridagi "Mashal" futbol akademiyasi vaqtincha yopilgan. Akademiyada tahsil olayotgan yosh futbolchilar va murabbiylarga uylariga javob berib yuborildi va akademiya nomalum muddatga yopib qo'yildi. Buning sababi "Mashal" hisob raqamida pul yo'qligi bilan izohlanyapti. 

Sir emas "Mashal" futbol akademiyasi bir qator futbolchilarni tarbiyalash orqali nom qozongan. Bugungi kunda "Rostov" safida o'zining ajoyib o'yinlarini namoyish etayotgan Eldor SHomurodov hamda o'tgan mavsum "Al SHarja" bilan BAA chempionligini qo'lga kiritgan Otabek SHukurov ushbu akademiya tarbiyalanuvchilari hisoblanadi. Albatta, shunday talim maskanining o'z faoliyatini to'xtatib qo'yishi juda achinarli holat.