"Mashal-2" Qashqadaryo hokimi kubogida ishtirok etmoqda

Unda "Mashal"ning birinchi ligadagi "Mashal-2" jamoasi ishtirok etmoqda. Dilshod Andaev boshqaruvidagi ushbu jamoa musobaqadagi ishtirokini boshladi. Bu turnirda 10 ta jamoa ikki guruhga bo'lingan holda sovrin uchun kurashmoqda. "Mashal" ishtirok etayotgan "B" guruhida birinchi liga jamoamizdan tashqari "SHo'rtan" (yoshlar), "Alanga" (birinchi liga), "Po'lati" va "Nuriston" (ikkinchi liga) jamoalari ham o'rin olgan.  Aytib o'tish kerakki , musobaqa G'uzor, Qarshi, Koson stadionlarida bo'lib o'tmoqda.

Dushanba kuni "Mashal-2" birinchi tur bahsini "Alanga"ga qarshi o'tkazdi va 2:0 hisobida g'alabaga erishdi. Jamoamiz gollariga Rusul Jo'raev va Temur Yumangulovlar mualliflik qildi.

Qashqadaryo hokimi kubogi. 1-tur
Koson. 26.01.2015

"Alanga" - "Mashal-2"  0:2 (1:0)
Gollar: 0:1 Rasul Jo'raev (33), 0:2 Temur Yumangulov (62).

Ikkinchi tur bahslari esa kecha bo'lib o'tdi. Kosonda "SHo'rtan" yoshlariga qarshi o'yinda birinchi ligamiz yirik 4:0 hisobida g'alabaga erishdi.

Qashqadaryo hokimi kubogi. 2-tur
Koson. 30.01.2015

"Mashal-2" - "SHo'rtan" (yoshlar)  4:0 (2:0)
Gollar: 1:0 Mirjalol Qosimov (11), 2:0 SHokir Yuldashev (40), 3:0 SHamsiddin Sadullaev (75), 4:0 Sanjar Ahmedov (82)

Endi navbatdagi uchinchi tur bahslari ertaga bo'lib o'tadi. Unda jamoamiz "Nuriston"ga qarshi maydonga chiqadi.

Hokim kubogining ikki guruhida birinchi va ikkinchi o'rinni qo'lga kiritgan jamoalar yarim finalga yo'l oladi. Mos ravishda guruhda birinchi o'rinni qo'lga kiritgan jamoalar ikkinchi guruhdagi ikkinchi o'rin sohibiga qarshi maydonga chiqadi. G'olib jamoalar finalda o'ynaydi.