Marko Stanoevich: "Nasaf"dan ketishim mumkin edi, faqat..."
18 fev 2021 13:35
Yangiliklar
![](https://championat.asia/upload/storage/620779_original.jpg)
![](/upload/storage/620779_220.jpg)
Marko Stanoevich: "Nasaf"dan ketishim mumkin edi, faqat..."
Ortda qolgan davr mobaynida ko'pchilik muxlislarning mehrini qozongan futbolchi yangi mavsumni "Nasaf"da boshlaydi. U klub bilan yangi shartnomaga imzo chekdi. Biz bu borada Markoning fikrlariga quloq tutdik.
- Marko, bu yil ham "Nasaf" sharafini himoya qilishingizdan muxlislar xursand bo'lishgani tabiiy. Sizga ko'plab jamoalarning takliflar tushganiga qaramasdan jamoada qolishingizga nima turtki bo'ldi?
- Joriy mavsumda ham "Nasaf" safida to'p tepishimdan xursandman. SHu yilning oxiriga qadar yangi shartnoma imzoladim. Takliflar bo'lgani rost. Lekin, yakunda Qarshida qolishga qaror qildim. Sabab sifatida nimani ko'rsatishim mumkin? "Nasaf"dan faqatgina juda ham yaxshi taklif bo'lsa, ketaman deb aytgandim. SHaxsan o'zimga bu erda o'ynash yoqadi.
- So'nggi vaqtlarda ro'y berayotgan muammolar jamoaning ichki muhitiga qanchalik tasir qilmoqda? Eshitishimizga qaraganda, muhit unchalik yaxshi emas ekan...
- Jamoada har doim ichki muhit yaxshi bo'lgan. Men bu borada muammo ko'rmadim. O'tgan mavsum moliyaviy tomondan qiyinchiliklarga duch kelindi. SHunga qaramasdan, sovrinli o'rinlar uchun kurashdik. Muammolar natijalarimizga tasir qilmasligiga harakat qildik.
- Bobir Abdixoliqov, SHarof Muhitdinov, Islom Kenjaboev kabi futbolchilar boshqa klublarga yo'l olishdi. Ular jamoaning etakchilari edi...
- Kenjaboev, Abdixoliqov, SHarof biz uchun muhim futbolchilar edi. Ular o'zlarini boshqa jamoada sinab ko'rishni lozim topishdi. Bunga normal holat sifatida qarash kerak. "Nasaf"da yosh futbolchilar ko'p. Bu mavsumda ular o'zlarini ko'rsatishlariga ishonaman.
- Yangi mavsum uchun rejalar qanday?
- Muammolar bartaraf etildi. Maoshlar berildi. Yangi mavsumga yaxshi tayyorgarlik ko'ryapmiz. Yilni "Paxtakor"ga qarshi superkubok bahsi bilan boshlaymiz. Boshqa jamoalar, ularning tarkibi haqida fikr bildira olmayman. Men hozir faqat "Nasaf" haqida o'ylamoqdaman. O'zimiz ishtirok etadigan barcha turnirlarda g'alabalar bilan muxlislarimizni xursand qilishga harakat qilamiz.
Abdulaziz Iskandarov
O’xshash yangiliklar
![AMP Logo](https://championat.asia/image/logo-amp.png)
Fikrlar