Mark Klattenburg: "VARdan keyin MYUga qanday qilib penalti berishmagani - topishmoq"
01 mar 2021 17:23
Yangiliklar

Mark Klattenburg: "VARdan keyin MYUga qanday qilib penalti berishmagani - topishmoq"

APL sobiq hakami Mark Klattenburg "CHelsi" va MYU o'rtasidagi o'yindan so'ng londonliklar darvozasi tomon penalti belgilanishi kerakligini aytib o'tdi.

Uchrashuvning bosh hakami Styuart Ettuell VARga murojaat qilgandan keyin MYU foydasiga 11 metrlik jarima zarbasini bermadi. Vaholanki, to'p "ko'klar" futbolchisi Kallum Xadson-Odoining qo'liga tekkan edi.

"MYU birinchi bo'limda Xadson-Odoi yaqqol qo'li bilan o'ynagani uchun penalti tepish huquqini qo'lga kiritmaganidan hayronman. "CHelsi" o'yinchisining qo'li ko'tarilgan edi va u notabiiy holatda edi. To'p aynan o'sha qo'lga tegdi.
VARdagi hakam Kris Kavana bosh hakam Styuart Ettuell navbatdagi 11 metrlikni payqamay qoldi deb hisobladi va Styuartga vaziyatni ekranda qayta ko'rib olish imkonini berdi.
Ettuell qanday qilib penalti belgilamagani - topishmoq. Vaholanki, unga xuddi bizga ko'rsatilgani kabi epizod barcha rakurslardan qo'yib berilgandi", - dedi Klattenburg.