"Manchester Yunayted" qishda katta shov-shuv ko'tara olmaydi

Erik ten Xag qo'l ostidagi ikkinchi yozdagi holat ham 2022 yildagi kabi bo'ldi: rejalar doimiy o'zgarib turgan va byudjet pullarini ishlatishda xatoliklar qilingan.

"Yunayted" yozda Meyson Maunt, Andre Onana, Rasmus Xeylund, Altay Bayindir va Sofyan Amrabatni olib kelish uchun 200 mln funtdan ko'p mablag' ishlab yubordi. Avvaliga klub transferlar uchun bunchalik ko'p mablag'ni ishlatishni reja qilmagandi.

Biroq jamoaga kelgan futbolchilar Xeylundning 20, Mauntning 24 va Onananing 27 yoshdaligini inobatga olsak, ular uzoq muddatli loyihalarda ishtirok eta olishadi va jamoani kuchaytiradi, degan fikrga kelishgan. Ammo shu holatda ham klub Xarri Keynni sotib olishga harakat qilib ko'rgan. Bunday holatda MYUda qishki transferlar uchun umuman pul qolmagan bo'lardi.

MYU Meyson Mauntning transferi uchun 40 mln funtdan ko'p mablag' ishlatishni istamagan. "CHelsi" bilan bir yillik shartnomasi bor futbolchi uchun 50 mln funt ham ko'p deb hisoblangan. Biroq London klubi futbolchisini sotmagani uchun taklif 55+5 mln funt ko'rinishiga kelgan.

"Atalanta" ham Xeylundni 50 mln funtdan kamiga berib yuborishni istamagan. Ammo muzokaralar davomida "Yunayted" 60 mln funtdan ko'p mablag' to'lamasligini aytgan, lekin muzokaralar davomida bu summa 72 mln funtga oshib ketgan va muzokaralar yarim tunda soat 3da yakunlangan. Yakunda "Atalanta" 86 mln funt talab qilganligi malum bo'lgan.

Onana esa "Inter"ga tekinga o'tib, 47 mln funt evaziga "Yunayted"ga transfer qilindi. Undan tashqari, Amrabatning ijarasi uchun "Yunayted" "Fiorentina"ga 8 mln funt to'lashga rozi bo'lgan.

Ushbu transferlar sababli MYU UEFA moliyaviy feyr-pley qoidalarini buzishiga bir bahya qolgan. SHu sababli qishda klub eng uzog'i bilan faqatgina ikki futbolchini ijaraga olishi mumkin bo'ladi.