"Manchester Siti"da noxush statistikalar

Bugun o'tkazib yuborilgan gol Pep Gvardiola shogirdlari uchun yildagi 62-si bo'ldi. Faqatgina 2016 yilda "Manchester Siti" 67ta gol o'tkazib yuborgan va ushbu yildagidan ko'ra ko'proq natija qayd etgandi.

"SHaharliklar" so'nggi 13 o'yinda faqatgina bir marta g'alabaga erishdi - 4 dekabrda "Nottingem Forest" 3:0 hisobida mag'lub qilindi. So'nggi 5 o'yinda jamoa faqatgina mag'lub bo'lmoqda. Umumiy hisobda "Siti" so'nggi 13 o'yinida 9 marta mag'lub bo'ldi va 3 bora durang o'ynadi.

Jamoa to'purari Erling Xoland ham sermahsullikni yo'qotib qo'ydi. Bugungi o'yinning 53-daqiqasida penaltidan gol ura olmagan Xoland so'nggi 7 o'yinda faqatgina bitta gol urdi: 15-turda "Kristal Pelas"ga qarshi o'yinda.

Ayni damda "Manchester Siti" 28 ochko bilan APL turnir jadvalida 6-o'rinni egallab turibdi.