APL. "Manchester Siti"dan kambek, Husanov debyut o'yinida 53 daqiqa o'ynadi
26 jan 00:26
Yangiliklar

APL. "Manchester Siti"dan kambek, Husanov debyut o'yinida 53 daqiqa o'ynadi

Bugun APLda 23-tur uchrashuvlariga start berildi.

Amaldagi chempion "Manchester Siti" o'z maydonida "CHelsi"ni qabul qildi. Gvardiola hamyurtimiz Abduqodir Husanovni asosiy tarkibga kiritdi. Uchrashuvda Abduqodir Husanov 53 daqiqa maydonda harakat qildi. "Manchester Siti" ushbu irodali g'alabadan keyin ochkolari sonini 41 taga etkazib oldi va 4-o'ringa ko'tarildi.

APL, 23-tur

25.01.2025, 22:30

"Etixad stedium", Manchester

"Manchester Siti" - "CHelsi" 3:1

Gollar: Y.Gvardiol (M.Nunes) 42, E.Xoland (Ederson) 68, F.Foden (E.Xoland) 87 - N.Madueke (N.Jekson) 3

Bosh hakam: Jon Bruks

"Manchester Siti": 31.Ederson Moraes, 24.Yoshko Gvardiol, 25.Manuel Akanji, 27.Mateus Nunes, 45.Abduqodir Husanov (5.Jon Stounz, 53), 7.Omar Marmush (17.Kevin De Bryuyne, 74), 8.Mateo Kovachich, 19.Ilkay Gyundogan, 20.Bernardu Silva, 47.Fil Foden, 9.Erling Xoland.

Zaxira: 18.SHtefan Ortega, 10.Jek Grilish, 22.Vitor Reys, 26.Savino, 75.Niko Orayli, 82.Riko Lyuis, 87.Jeyms Makati.

"CHelsi": 1.Robert Sanches, 3.Mark Kukurelya, 6.Levi Koluill, 23.Trevor CHaloba, 24.Ris Jeyms (27.Malo Gusto, 73), 8.Enco Fernandes, 11.Noni Madueke, 19.Jeydon Sancho (7.Pedru Netu, 73), 20.Koul Palmer, 25.Moyzes Kaysedo, 15.Nikolas Jekson (18.Kristofer Nkunku, 61).

Zaxira: 12.Filip Yorgensen, 2.Aksel Disasi, 4.Tosin Adarabioyo, 22.Kirnan Dyusberi-Xoll, 34.Josh Acheampong, 38.Mark Guiu.

Ogohlantirishlar: A.Husanov 4, B.Silva 79, M.Kovachich 83 - L.Koluill 25, M.Kaysedo 58

Manchester City

Josko Gvardiol - 42', Erling Haaland - 68', Phil Foden - 87'

Premier League . 23-tur

25/01/2025, 22:30

Tugadi

Chelsea

Noni Madueke - 3'

Stadion: Etihad Stadium, 52737 tomoshabin

Bosh hakam: John Brooks

45'

90'

Match-senterda ochish

YANGILASH

87 - GOL! Fil Foden o'yinga yakuniy nuqtani qo'ydi - 3:1. Bu g'alaba juda zarur edi, shu bugun zarur edi.

68 - GOL! Erling Xoland oldinga yugurib chiqqan CHelsi darvozabonining ustidan to'pni oshirib qo'ydi - 2:1.

Kun surati.

53 - Bo'ldi, Gvardiola Husanovni Jon Stounzga almashtirmoqda. Butun stadion Abduqodirni olqishlar bilan kuzatib qo'ydi. Barakalla, Abduqodir! O'yindan-o'yinga kuchayib borasan.

- Rus sharhlovchilari Husanovning golga olib kelgan xatosini qayta-qayta gapirishdan charchashmayotgani sizning ham g'ashingizni keltiryaptimi?

50 - Ederson xatoga yo'l qo'ydi, bugun hammada xatolar bo'lmoqda.

Ikkinchi bo'lim start oldi, Husanov maydonda qoldi. Gvardiola ishonishda davom etadi. Barakalla!

Maduekening noaniq zarbasi bilan 1-bo'lim yakunlandi, tanaffus.

42 - GOOOLLL! Gvardiol uchinchi urinishda gol urmoqda - 1:1.

40 - Zarbaaa, Gvardiol ikkinchi juda qulay imkoniyatda ham salgina noaniq zarba berdi. Ehh!

35 - Hozir Nunes to'pni Husanovga uzatmay maydon tashqarisiga kalla qo'yib yuborganiga Gvardiola g'azablandi.

34 - Gol, yo'q Marmush gol urishdan oldin ofsaydda turgan ekan.

33 - Abduqodir "podkat" bilan to'pni maydon tashqarisiga chiqarib yubordi, ofsayd ekan.

Uchrashuvni juda yomon boshlagan Husanov o'ziga kelib oldi. Bernardu Silva ham biroz orqaroqqa tushib qo'llayapti Abduqodirni.

29 - Palmerning aniq zarbasini Ederson ushlab oldi.

25 - Zarbaaa, Gvardiolning kuchli zarbasiga ozgina aniqlik etishmadi.

23 - Husanovdan kuchli zarba, to'pni CHelsi futbolchilari qaytarib yuborishdi.

23 - Man Siti qulay nuqtadan jarima zarbasi tepadi.

12 - Hozirgina Abduqodirni yirik planda ko'rsatishdi, yuzida havotir va charchoq bordek, ha bu APLning tezligi.

9 - Husanov Siti darvozasiga aniq ketayotgan to'pni (Sancho tepgan edi) qaytarib yubordi, sal bo'lsada kirishib oldi nihoyat.

7 - Nihoyat, Husanov to'pni Jeksondan olib qo'ydi.

5 - Husanov tezroq kirishib olishi kerak, ko'p xato qilyapti.

3 - Gol! Afsuski, Husanov to'pni boshi bilan Edersonga qaytarib berishda juda qo'pol xatoga yo'l qo'ydi va mehmonlar hisobni ochishdi.

2 - Sitini yangi azosi Husanov boshlagan hujum, boshqa bir yangi futbolchi marmushning aniq zarbasi bilan yakunlandi, lekin ofsayd bor ekan.

Boshladik!

- Husanov APL yulduzlari bilan bir safda maydonga tushib keldi.

Husanov chigil yozdi mashqlarni bajarmoqda.

Abduqodir "Etixad stedium"ga jamoa bilan birga etib kelgan palladan surat. Otangga rahmat!

- Mazkur uchrashuvni telegramda tomosha qilishni xohlovchilar quyidagi linkka kirishlari mumkin >>> futbol.

- Ko'pchilik "Man Siti" bugun qanday sxemada o'ynashi va Husanov aynan qaysi joyda o'ynashiga qiziqmoqda. Aynan himoyachilar borasida Mateus Nunes o'ng qanotda, Yoshko Gvardiol chapda, Husanov va Akanji markaziy himoyada tushadi.

- Assalom alaykum qadrli futbol ishqibozlari! Bugun o'zbek futboli uchun tarixiy kun, yani ilk bor o'zbek futbolchisi APLning amaldagi chempioni safida asosiy tarkibda maydonga tushmoqda. Abduqodir Husanov ushbu tarixning memori.