"Man Siti" Messining ehtimoliy transferi sabab de Bryuynega kamroq maosh taklif qildi

Gap shundaki "shaharliklar" 29 yoshli belgiyalik futbolchiga hozirgidan kam maosh taklif qildi.

Jurnalist Sem Lining malumotiga ko'ra, bu "Barselona" forvardi Lionel Messining ehtimoliy transferi bilan bog'liq.

De Bryuyne joriy mavsum Angliya chempionati doirasidagi 14ta o'yinda maydonga tushib, 3ta gol va 8ta assist qayd etdi. U Angliya klubida 2015 yildan beri o'ynaydi. Uning shartnomasi 2023 yilning yoziga qadar mo'ljallangan.

Messining "Barselona" bilan shartnomasi joriy mavsumning so'nggiga qadar ko'zda tutilgan. U hozirda yozdagi bitim uchun muzokaralar o'tkazish huquqiga ega.