"Man Siti" Alvaresni sotmoqchi emas, ammo Xulian ko'proq o'ynamoqchi. PSJ futbolchiga qiziqmoqda

Manchester klubi Argentina terma jamoasi futbolchisi bilan yana uchrashadi va u bilan Amerika kubogidan so'ng vaziyatni muhokama qiladi.

Fabricio Romanoning xabariga ko'ra, Alvares ko'proq o'ynamoqchi, "Man Siti" esa uni hech qachon sotishni xohlamagan va narx o'rnatmagan.

Qayd etilishicha, hujumchining xizmatlariga PSJ qiziqmoqda, ammo "Siti" baribir o'yinchini saqlab qolmoqchi.

Alvaresning "Manchester Siti" bilan amaldagi kelishuvi 2028 yilga qadar mo'ljallangan. Forvard 2023/24 yilgi mavsum APL doirasida 36ta o'yinda maydonga tushib, 11ta gol va 9ta assist qayd etdi.

Transfermarkt o'yinchini 90 million evroga baholamoqda.