Maksim SHackix: "Bugun bizning kunimiz emas ekan"

- Hayrli kech. Ilk navbatda bugun bizni qo'llab turgan muxlislarga rahmat aytaman. Ikkinchidan, ushbu mag'lubiyatdagi barcha aybni o'z bo'ynimga olaman. Uchinchidan, bu endigina birinchi tur. Hali qo'rqinchli hech nima sodir bo'lmadi. Ha, o'z maydonimizda mag'lub bo'lganimiz alamli. Ko'plab vaziyatlar yaratdik, biroq gol ura olmadik. Raqiblarda esa bizdan ko'ra kamroq vaziyat bo'ldi, biroq 3ta gol urishdi. Bu endi individual mahoratga bog'liq bo'ldi. Bugun faqatgina shu jihatlarda mag'lub bo'ldik. SHu boisdan ruhni tushurmaslik kerak. Hali oldinda o'yinlar ko'p, oxirigacha kurashamiz. Futbolni tushunadigan odamlar, maydonda nimalar bo'lganini yaxshilab ko'rdi. Faqatgina individual mahorat evaziga mag'lub bo'ldik. Bizda ham shunday vaziyatlar bo'ldi, ulardan foydalana olmadik. Ulardagi golli vaziyatlar esa yarimta imkoniyatdan urildi. Uchinchi golni esa o'zimiz olib kelib berdik. Bularning barchasi futbolda bo'lib turadi. Bugun ularning kuni bo'ldi. Bizda esa hech nima o'xshamadi. Qo'rqinchli joyi yo'q. Navbatdagi o'yinlarga tayyorlanishda davom etamiz, oldinda OCHLdagi 5 o'yinimiz bor. 

- Bugun barcha odamlar nimalar bo'lganini ko'rdi. Savollar bo'lmasa kerak.

- Asosiysi, odamlar holatni tushunishi kerak. Futbolda shunday kunlar bo'lib turadi. Hali o'zimizning ham, raqiblarning ham vaziyatlarini taxlil qilib chiqamiz. Darvozabonimizning shu uch goldan tashqari goldan qutqargan vaziyatlarini ko'rganim ham yo'q. Ha, oddiy zarbalar bo'lishi mumkin, biroq xavfli vaziyatlar bo'lmadi. Ishlashda davom etamiz. SHunchaki, egilib turgan boshning ustidan kulish yaramaydi. Agarda futbolni oz-moz tushunib, bugungi o'yinni yaxshi taxlil qilgan insonlar bo'lsa, yomon narsalar yozishmaydi. Bugun bizning kunimiz emas ekan, bo'lib turadi.