So’nggi yangiliklar

16:26Жейми Вардининг навбатдаги жамоаси маълум!  0 15:52Пол Паркер: "Де Хеа қайтмаса керак"  1 15:30Эрик тен Хаг истеъфога чиқиш арафасида  6 15:15"Манчестер Юнайтед" Ламменс трансферини амалга ошира олмаса, Мартинес номзодига қайтади  1 14:50Фоден бугун ўйнамайди  3 14:30ЕЧЛ. "Қайрат" - "Реал" ўйини учун чипталар нархи қанча?  15 14:14Фермин Лопес "Челси"нинг қизиқишларига қарамай, "Барселона"да қолади  1 13:58Ўзбекистон янги стадионда "CAFA Nations Cup-2025"ни дуранг билан бошлаган баҳсдан ГАЛЕРЕЯ  4 13:35Аканжи "Манчестер Сити"ни Лондон клубига алмаштириши мумкин  0 13:14Гарначо "Челси"га ўтиш ҳақида: "Жаҳон чемпионлари сафига қўшилганимдан бахтиёрман. Биз - дунёнинг энг яхши жамоасимиз!"  6 12:50"Барселона" Ла Лигада Шенснини рўйхатдан ўтказди  1 12:22"Фенербахче" Эдерсоннинг трансфери устида ишламоқда. "Ман Сити" дарвозабонни "Галатасарой"га 10 млн еврога сотмади  1 11:58Меҳди Таремининг янги клуби маълум  2 11:31Аканжи "Милан"нинг шартларини қабул қилмаяпти, "Сити" ҳимоячиси EЧЛда ўйнашни истамоқда  0 10:31Германияга етиб борган Жексоннинг "Бавария"га ўтиши бекор бўлди. Нега?  4

Lyupche Doriev: "So'g'diyona" musobaqa jadvalida yanada balandroqda bo'lishi kerak. O'zbekiston kubogida g'alaba qozona olishimizga ko'zim etmoqda" Yangiliklar

Lyupche Doriev: "So'g'diyona" musobaqa jadvalida yanada balandroqda bo'lishi kerak. O'zbekiston kubogida g'alaba qozona olishimizga ko'zim etmoqda"

"So'g'diyona" futbolchisi va Superliganing eng yaxshi to'purari Lyupche Doriev ikkinchi davra oldidan saytimizga intervyu berdi.

- Mavsumning birinchi davrasi yakunlandi. Birinchi davra haqida fikr bildirib o'tsangiz?

- Mavsumning birinchi yarmi biz uchun ancha qiziqarli o'tdi. Mehnatimizga yarasha, yaxshi natijaga erishdik deb o'ylayman. Muhimi, shu ruhda davom etish.

- Jamoaning birinchi davradagi ishtirokiga baho berib o'tsangiz?

- Juda yaxshi ishtirok etdik degan fikrdaman, ammo ayrim bir muddat omadimiz kelmadi va o'yinimiz chiqmadi. Yaxshi xarakter va mehnat evaziga bunga erishdik.

- "So'g'diyona" jamoasining musobaqa jadvalida egallab turgan o'rnidan qoniqyapsizmi?

- Uchinchi o'rin yaxshi natija, lekin biz yanada balandroq o'rinlar uchun kurasha olamiz. Musobaqa jadvalidagi o'rnimizni yaxshilashimiz kerak.

- Superliganing eng yaxshi to'purari bo'lib turibsiz. Ikkinchi davrada ham shunday tempda davom etasizmi?

- CHempionatning eng yaxshi to'purari bo'lish men uchun sharaf. Gollar va assistlar qayd etishda davom etishni maqsad qilganman. Jamoamning natijalari yaxshilanishiga ko'proq hissa qo'shish maqsadidaman.



- "So'g'diyona" jamoasi kutilmaganda Superliganing eng yaxshi jamoalaridan biri bo'lib turibdi. Bunday natijaning asosiy sababi nimada?

- Biz mavsum avvalida bunga kelishib olgan edik. Asosiy sabab jamoaning birdamligi va mehnat. Murabbiylar va jamoadoshlarimning mehnat mevasi bu. Muxlislarimiz ham bizga katta yordam berishmoqda.

- "So'g'diyona"ning O'zbekiston kubogidagi raqibi "Navbahor". Kubok bahslarida haqida gapirib o'tsangiz? Kubokdagi rejalar qanday?

- Kubok musobaqasida imkon qadar uzoqroqqa borishni maqsad qilganmiz. Buni uddalay olishimizga ishonchim komil. O'zbekiston kubogini yuta olishimizga ko'zim etmoqda.

- Birinchi davradagi yorqin o'yiningiz ko'pchilikning etiborini tortgani aniq. Boshqa bir jamoalardan takliflar bo'lmadimi?

- Men faqatgina "So'g'diyona" haqida o'ylamoqdaman. Takliflar bilan shug'ullanadigan insonlarim bor. Men faqat futbol o'ynayman.


Abdulvosit Bektemirov suhbatlashdi

Reyting: +4   

Fikrlar

championat.asia
< so’nggi yangiliklarni ko’rish
Яндекс.Метрика