Luis Enrike dunyoning eng kuchli darvozabonini aytdi

"Juda xursandman, ammo bir necha jihatlarni kuchaytirishimiz kerak. Bahsda raqibga qaraganda ko'provq vaziyatlarga ega bo'ldik, uchinchi golni urishimiz ham mumkin edi. Menga shunday futbol mentaliteti yoqadi. Umid qilamanki, shunday o'yin ko'rsatishda davom etamiz.

De Xea borasida menda hech qanday shubha yo'q edi. Barcha kabi unda ham xatolar bo'lib turadi. Ammo David - dunyoning eng yaxshi darvozaboni. De Xea darvozada bo'lsa, barchasidan xotirjam bo'laman. Uning Angliyadagi o'yinlari dunyoning birinchi raqamli darvozaboni ekanligini ko'rsatib turibdi.

"Uembli"dagi g'alaba kimga yoqmaydi? Biz Millatlar ligasini yaxshi boshladik. Pressing tufayli g'olib bo'ldik. Raqib esa shu tufayli o'zida katta bosim borligini his qildi", - dedi Enrike.