“Lokomotiv”ning 60-golini kim uradi?

“Temiryo'lchilar” hisobida hozircha 59ta gol bor. Bu borada keyingi o'rinlarni “Nasaf” bilan “Bunyodkor”ga tegishli.

Har ikkala klub ham 41tadan to'p kiritgan. “Lokomotiv” esa gol urish bo'yicha eng yaqin taqibchilaridan 18 golga ilgarilab ketgan. Agar jamoamiz yana bitta to'p kiritsa, bu mavsum oliy ligadagi gollari soni 60taga etadi. Qiziq, 60-golni urish kimga nasib etarkin?

Eslatib o'tamiz, “Lokomotiv” navbatdagi uchrashuvni o'z maydonida “Qo'qon-1912″ga qarshi o'tkazadi. Bu uchrashuv 14 oktyabrga mo'ljallangan. “Lokomotiv” futbolchilari birinchi davrada 36ta gol urishgandi. Ikkinchi davrada esa bu ko'rsatkich hozircha 23ta golni tashkil qilmoqda.

“Lokomotiv”ning bu mavsum oliy ligada gol urgan futbolchilari:
Temurxo'ja Abduxoliqov – 16
Sardor Mirzaev – 10
Marat Bikmaev – 9
Server Jeparov – 7
Sanjar SHoahmedov – 6
Timur Kapadze – 3
Kaxi Maxaradze – 2
Oleg Zoteev – 2
Ikrom Aliboev – 1
Islom To'xtaxo'jaev – 1
Artur Gevorkyan – 1
(Avtogol – 1)