“Lokomotiv” – “Qo'qon-1912” prevyu

Turning qiziqarli o'yinlaridan biri sifatida etirof etilayotgan mazkur bahs oldidan ushbu ikki jamoaning o'zaro uchrashuvlari tarixi haqida malumot berib o'tamiz.

Ettinchi to'qnashuv
Ushbu jamoalar shu paytga qadar chempionat doirasida 6 marta to'qnash kelishgan. “Lokomotiv” o'yinlarning 4 tasida zafar quchgan, 2 ta bahsda durang qayd etilgan.
To'plar nisbati – 14-4, “Loko” foydasiga. O'zaro o'yinlarda “Temiryo'lchilar” 14 ochkoni qo'lga kiritishgan. “Qo'qon-1912” ochkosi 2 tani tashkil etadi.

Jamoalarning o'zaro o'tkazgan barcha uchrashuvlari:
25.10.2016 “Lokomotiv” – “Qo'qon-1912” 3:0
17.05.2017 “Qo'qon-1912” – “Lokomotiv” 1:1
14.10.2016 “Lokomotiv” – “Qo'qon-1912” 4:0
30.05.2016 “Qo'qon-1912” – “Lokomotiv” 1:3
16.10.2015 “Qo'qon -1912” – “Lokomotiv” 2:2
24.05.2015 “Lokomotiv” – “Qo'qon-1912” 1:0

375-uchrashuv arafasida
«Qo'qon-1912» jamoasi O'zbekiston chempionatlaridagi 375 -o'yinini o'tkazish arafasida. 13-mavsum kuchlilar safida ishtirok etayotgan qo'qonliklar shu kunga qadar 374 ta uchrashuv o'tkazishga muvaffaq bo'lishdi. SHularning 136 tasida jamoamiz g'alaba qozongan. 50 uchrashuvda g'olib nomi aniqlanmagan. 188 ta o'yinda mag'lubiyatga uchragan. To'plar nisbati 506 – 703. Umumiy ochkolar 458 tani tashkil etadi.

Superliga 5-tur doirasidagi “Lokomotiv” bilan bo'ladigan uchrashuv jamoamizning O'zbekiston chempionatidagi 375-o'yini sifatida tarixda qoladi.

Hakamlar
7 aprel kuni bo'lib o'tadigan “Lokomotiv” – “Qo'qon-1912” uchrashuvini Valentin Kovalenko boshchiligildagi hakamlar boshqarib borishlari oydinlashdi.
Ushbu hakam o'tgan mavsumda  jamoamizning uchta o'yinini boshqargandi. Ularning ikkitasida jamoamiz g'alaba qozongan bo'lsa, bitta bahsda durang natija qayd etilgan.

Superliga
5-tur
“Lokomotiv” – “Qo'qon-1912”
Hakamlar: V. Kovalenko (Toshkent), R. SHoyaxmetov (Toshkent), A. Po'latov (Toshkent), A. Xudoyberganov (Toshkent).
Nazoratchi – A. Popov (Toshkent).
Komissar – B. Mametov.
 
Boshlanish vaqti
Mazkur uchrashuv shanba kuni “Lokomotiv” stadionida 18:00da start oladi.