"Lokomotiv" qiyin g'alabani qo'lga kiritdi

Oliy liga-2015. 10-tur
“Lokomotiv” - “Qo'qon-1912” 1:0
Toshkent. TTYMI stadioni.
Hakamlar: Murod Muhamedov (Toshkent viloyati), Ziyodulla Abdurahmonov, Anvar Marajabov (Andijon), Rustam Toshmuhamedov (Toshkent viloyati).
Nazoratchi: Aleksandr Popov (Toshkent).
UzPFL: Ahrol Inoyatov.
Gol: T.Abduxoliqov 73

“Lokomotiv”: 12.Mamur Ikromov, 3.SHavkat Mullajonov, 10.Marat Bikmaev (11.Temurxo'ja Abduxoliqov, 67), 13.Lutfulla To'raev, 16.Jasur Hasanov (kichik) (24.Ibrohim Rahimov, 67), 17.Salim Mustafoev, 18.Temur Kapadze (S) (20.Islom To'xtaxo'jaev, 88), 22.Sanjar SHoahmedov, 31.Nemanya Yanichich, 77.Jasur Hasanov (katta), 99.Damir Koyashevich.
Zaxira: 12.Ignatiy Nesterov, 9.Dilshod Rahmatullaev, 21.Karen Abramov, 33.Oleg Zoteev.

“Qo'qon-1912”: 16.Andrey Baklanov,3.Hasanboy Ergashev, 7.Izzatbek G'aniev (15.Maruf Zokirjonov, 89), 9.Nosirbek Otaqo'ziev, 17.Aziz To'xtaboev (S) (28.Aleksey Nikolaev, 62), 19.Vladimir Argun, 22.Orif Mamadjonov (6.Bahodir Akramov, 75), 23.Furqat Hasanboev, 24.Ilya Ilin, 29.Igor Golban, 18. Sardor Eminov.
Zaxira: 12.Aziz Ashurov, 4.Qahramon Mahamadjonov, 14.Avazxon Mamatxo'jaev, 27.SHoxruh Xolmatov.

Ogohlantirishlar: SH.Mullajonov 44, T.Kopadze 59


                               MATNLI TRANSLYACIYA

Uchrashuv yakunlandi, "Lokomotiv" qiyin g'alabani qo'lga kiritdi.

Asosiy vaqtga 3 daqiqa qo'shib berildi.

88. T.Kopadze o'rniga Islom To'xtaxo'jaev tushdi.

Andrey Baklanov bugungi uchrashuvning eng yaxshi o'yinchisi desak mubolag'a qilmagan bo'lamiz.

81. Xavfli vaziyat! Yana Baklanov o'zini ko'rsatdi. Hasan Ergashev esa SHoahmedovga ikkinchi zarbani berishga yo'l qo'ymadi.

75. Orif Mamajonov o'rniga Bahodir Akramov tushdi.

73. Goool, Abduxoliqov avvaliga penaltini ura olmadi, Baklanovdan qaytgan to'pni Temurxo'janing o'zi darvozaga joylab qo'ydi.

72. Penalti, "Qo'qon-1912" darvozasiga.

70. L.To'raevning darvozaning to'qqizligiga yo'llagan zarbasini Baklanov maydon tashqarisiga chiqarib yubordi.

69. Hozirgina maydonga tushgan Temurxo'ja Abduxoliqov xavfli vaziyatga chiqib borgan edi.

65. Xavfli vaziyat!!! Nimalar bo'lmoqda, Loko o'yinchilari gol urishlari uchun yana nima kerak? Koyashevich, SHoahmedov, Bikmaevlar bir vaziyatning o'zida uchta imkoniyat ko'kka sovurildi.

64. Zarbaaa, Mamajonovning zarbasini Ikromov qaytarib yubordi.

62. Aziz To'xtaboev o'rniga Aleksey Nikolaev tushdi.

61. Otaqo'ziev oldinga o'tib ketmoqchi bo'lgan edi, Mamur Ikromov yugurib chiqib xavfni bartaraf etdi.

59. Temur Kopadze ogohlantirildi.

55. Navbatdagi zarbaaa va yana Baklanov o'z o'rnida. Endi Bikmaev darvozabonning o'ziga kuchli zarba bergan edi.

53. Zarbaaa, kichik Jasur Hasanovning kuchli va aniq zarbasini bu safar ham Baklanov qaytarib yubordi.

Loko safida birinchi bo'lib Koyashevich almashtirilsa ajablanmaymiz, u bugun ko'p "brak" qilmoqda.

51. Hasan Ergashevning "naves"i manzilgacha etib bormadi.

50. "Lokomotiv" katta kuch bilan oldinga o'tgan, tinma hujum qilmoqda.

Ikkinchi bo'lim boshlandi.

Birinchi bo'limda hisob ochilmadi, tanaffus.

45. Kopadze Mamajonovga nisbatan qo'pollik ishlatgani uchun jarima belgilandi.

44. To'pni qo'li bilan o'ynagan Mullajonovga sariq kartochka ko'rsatildi.

43. Otaqo'ziev to'pni to'g'rilab yuborsa bo'ldi edi, lekin o'yindan tashqari holat ekan bu vaziyat.

39. Zarbaaa, Damir Koyashevich bugun nimalar qilmoqda... U ikkinchi marotaba darvozabon qarshisida yolg'iz qolib noaniq zarba bermoqda. Bu saqar ham Damirni SHoahmedov darvozabon bilan birga-bir vaziyatga chiqarib yuborgan edi.

38. Sanjar SHoahmedov bir harakat bilan oldinga o'tib ketishi mumkin edi, ammo Hasan Ergashev bunga yo'l qo'ymadi.

37. Kichik Hasanovning zarbasi biroz noaniq chiqdi.

36. Zarbaaaaa, Koyashevich yakkama-yakka vaziyatni yo'qqa chiqardi. Damir noaniq zarba berdi hozir. Eh qanday imkoniyat....

35. Kichik Hasanovning deyarli barcha "naves"lari manzilga aniq etib bormayapti.

33. Bikmaev yaxshi vaziyatni ko'kka sovurdi.

32. Marat Bikmaev birga-bir chiqqandek bo'lgandi, lekin o'yindan tashqari holat qayd etildi.

32. Temur Kopadzening to'xtatmasdan tepgan to'pi ancha noaniq ketdi.

30. Xavfli vaziyat!!! Golban va Baklanov Bikmaevga to'pni darvozaga to'g'rilab yuborishiga yo'l qo'yishmadi.

29. Qo'qonliklar sardori Aziz To'xtaboev kichik jarohat oldi.

26. Zarbaaa, Andrey Baklanov o'zini ko'rsatdi. katta Hasanovning ayyorona zarbasini Baklanov o'qidi. "Lokomotiv" jarima noodatiy uslubda foydalanishga urinib ko'rdi.

25. To'p yonida 4 nafar lokochilar.

24. Argun Marat Bikmaevga qarshi qo'pol o'ynadi, jarima.

23. Qo'qonliklar jamoaviy tarzda hujumga o'tishdi, lekin bundan naf chiqmadi.

21. Koyashevichning jarimadan uzatgan to'pi To'raev etib bordi, lekin hujumni rivojlantira olmadi.

20. Furqat Hasanboevni qo'liga to'p tekkani uchun hakam jarima belgiladi.

18. Hozircha keskin hujumlarni ko'rmayapmiz.

11. Argun va Otaqo'zievlar to'p uchun kurashda yiqilishdi, hakam o'yin qoidasi buzilmaganini ko'rsatdi.

10. Izzat G'anievning uzoq masofadan yo'llagan kuchli va aniq zarbasini Mamur Ikromov ushlab oldi.

2. Maydon markazida Vladimir Argunga nisbatan ishlatilgan qo'pollik uchun jarima zarbasi belgilandi.

1. Uchrashuvga start berildi.

- "Lokomotiv" hamda "Qo'qon-1912" jamoalari o'rtasidagi uchrashuvdan matnli translyaciyani shu erda kuzatib borishingiz mumkin.