"Lokomotiv" PFK vakillari Malayziyada, bugun OCHL qurasi bo'ladi
06 dek 2017 09:41
Yangiliklar

"Lokomotiv" PFK vakillari Malayziyada, bugun OCHL qurasi bo'ladi

Teglar : OCHL-2018 Lokomotiv

O'zbekiston chempioni hamda Kubogini qo'lga kiritgan "Lokomotiv" kelasi yilgi Osiyo chempionlar ligasi guruh bosqichida to'g'ridan-to'g'ri ishtirok etadi.

Hozirda klubning ikki nafar vakili - "Lokomotiv" PFK xalqaro bo'lim mutaxassisi S.Akromov hamda klub matbuot kotibi M.Mamadaliev Malayziya poytaxti Kuala-Lumpur shahrida bo'lib turishibdi. Klubimiz xodimlari "JW Marriot" mehmonxonasiga joylashishgan.

Bugundan boshlab OCHLda ishtirok etuvchi klublar uchun ikki kunlik seminar start oladi. 6-7 dekabr kunlari bo'lib o'tadigan ish tartibi davomida bir qator masalalar ko'rib chiqiladi, xususan, kelasi yilgi xalqaro musobaqalar uchun yuz beradigan o'zgarishlar malum qilinadi va eng asosiysi, 2018 yilgi Osiyo chempionlar ligasiga qura tashlash marosimi bo'lib o'tadi.

Demak, 6 dekabrga belgilangan ish tartibi quyidagicha ko'rinish olgan:

10:00 - 10:30. Qura uchun ro'yxatdan o'tkazish
11:00 - 11:30. OFK Kubogi uchun qura tashlash marosimi
13:30 - 14.00. OCHL-2018 uchun qura tashlash marosimi
14:30 - 15.30. Klublar taqdimotiga tayyorgarlik.

Izoh: Barcha soatlar Toshkent vaqti bilan ko'rsatilgan.

Havola :

Manba : lokomotiv.uz

Yangiliklarni Telegramda o'qing!

Reyting: +4