"Lokomotiv": "Paxtakor" yoshlari bilan o'yinda mag'lubiyat
06 fev 2016 18:03
Yangiliklar

"Lokomotiv": "Paxtakor" yoshlari bilan o'yinda mag'lubiyat

“CHilonzor” dahasidagi suniy qoplamali maydonda “Lokomotiv” yoshlar jamoasi “Paxtakor”ning 1-liga jamoasiga qarshi o'yinda maydonga tushdi.

Bellashuvda Jasur Abduraimov shogirdlari 3:0 hisobida muvaffaqiyat qozonishdi.

Sir emaski, yanvar-fevral oylarida bir qator yangi futbolchilar murabbiylar ko'rigida bo'lishadi. Bugungi o'yin “Lokomotiv” uchun ularni sinovdan o'tkazib olish uchun ham kerak edi. Futbolchilarni ro'yxatdan o'tkazish vaqti yaqinlashgani sayin murabbiylar yakuniy tarkib azolarini aniqlab boraverishadi.

O'yinning 34-daqiqasiga kelib “paxtakor”chilar hisobda oldinga chiqib olishdi. Birinchi bo'limda ustunlik asosan maydon egalari tomonida edi. Ikkinchi bo'limga kelib murabbiylar tarkibni butunlay yangilashdi. Buning natijasida ustunlik “Lokomotiv” futbolchilari tomoniga o'tdi. Hujumlar asosan “Paxtakor” darvozasi oldida tashkil etilganiga qaramay, keyingi gollar ham mezbonlar tomonidan kiritildi. Har ikki safar himoyachilar qarshi hujumni qo'yib yuborishdi.

Bugungi bellashuv yig'inda ishtirok etayotgan bir qator yigitlarning kelgusi taqdirlariga oydinlik kiritib berishi mumkin. Ular namoyish etgan o'yinni mutaxassislar sinchkovlik bilan kuzatib borishdi.

PAXTAKOR – LOKOMOTIV 3:0

Gollar: 34 (1:0). 50 (2:0). 66 (3:0).

1-bo'lim: Nortojiev - Adamov, Erkinov, G'aniev, SHahobiddinov - Qayumov, Fozilov, Omonaliev, Ilyosov - G'ulomov, Soqiev.

2-bo'lim: Nortojiev - Abdullaev, Muhamedov, Ibrohimov, Ergashev - Xamroev, Safarov, Ergashev, Tanaev - Mo'minqulov, Kamolov.