"Lokomotiv" - "Metallurg" uchrashuviga tashrif buyuring

Tur doirasidan o'rin olgan qiziqarli tarzda kechishi kutilayotgan bellashuvlardan birida O'zbekistonning 2 karra chempioni - "Lokomotiv" Bekobodning "Metallurg" jamoasini qabul qiladi.

Mazkur uchrashuv "Lokomotiv" stadionidagi yangi mavsumdagi ochilish bahsi bo'ladi.  SHu boisdan "temiryo'lchilar" jamoasi mazkur o'yinga ancha jiddiy hozirlik olib bordi.  O'yinni yuqori saviyada o'tkazish maqsadida "Lokomotiv" stadionida ham ayrim tamirlash ishlari olib borildi.  Stadionda oilaviy sektor tashkil etildi.  Endi stadionga farzandlari bilan birgalikda tashrif buyuradigan muxlislar uchun ham qulayliklar yaratildi.  SHuningdek,  "Lokomotiv" rasmiy do'koni ham faoliyat ko'rsata boshladi.  Klub rasmiy do'konida ishqibozlar klub atributkalari,  jamoa liboslari hamda sport kiyimlarini harid qilishlari mumkin.

9 mart kuni bo'lib o'tadigan uchrashuvda "Lokomotiv" stadionining 1-8 sektorlari uchun biletlar bepul tarzda taqdim etiladi.  Qolaversa,  o'yin boshlanishi oldidan katta koncert dasturi bo'lib o'tadi.

Takidlab o'tamiz,  "Lokomotiv" - "Metallurg" uchrashuvi 9 mart kuni TTZ dahasidagi "Lokomotiv" stadionida bo'lib o'tadi.  O'yin soat 20:00da start oladi.  Futbol ishqibozlari soat 18:00dan boshlab stadionga tashrif buyurishlari mumkin bo'ladi.