"Lokomotiv" masuliyatli o'yinlar ostonasida

Bilasiz, "temiryo'lchilar" O'zbekiston milliy birinchiligida chempionlik, Osiyo chempionlar ligasida esa guruhdan chiqish uchun kurash olib borishmoqda. SHunday ekan, yaqin bir oy ichida jamoamiz juda muhim bellashuvlarda maydonga tushadi.

Xususan Vadim Abramov shogirdlari avvaliga "Al Sadd" bilan kuch sinashishsa, keyin "Bunyodkor" va "Dinamo"ga qarshi to'p tepishadi. Undan keyin o'z maydonimizda "Al Hilol"ni qabul qilamiz. So'ngra oliy liga doirasida "Paxtakor" va "Nasaf"ga qarshi bahs olib boramiz. SHuningdek, bir oydan so'ng safarda "Fulad"ga qarshi to'p suramiz.

Ko'rib turganingizdek, bu o'yinlarning har biri "Lokomotiv" uchun nihoyatda muhim. Birgina oliy liganing o'zida "Bunyodkor", "Paxtakor", "Nasaf" kabi grandlarga qarshi maydonga tushamiz. OCHLdagi "Al Sadd" va "Al Hilol" bilan o'yinlar esa musobaqani bezab bersa ajab emas. Hozir qanday masuliyatli bahslar bo'sag'asida turganimizni yigitlarimiz ham chuqur his qilib turishibdi. SHu o'rinda jamoamizga har bir o'yin omadli o'tishini tilab qolamiz.

"Lokomotiv" yaqin bir oy ichida o'tkazadigan o'yinlar:

8 aprel. OCHL
"Lokomotiv" - "Al Sadd"

13 aprel. Oliy liga
"Lokomotiv" - "Bunyodkor"

16 aprel. Oliy liga
"Dinamo" - "Lokomotiv"

21 aprel. OCHL
"Lokomotiv" - "Al Hilol"

27 aprel. Oliy liga
"Lokomotiv" - "Paxtakor"

1 may. Oliy liga
"Nasaf" - "Lokomotiv"

5 may. OCHL
"Fulad" - "Lokomotiv"