“Lokomotiv” Dubayda. Ko'rfaz bo'yida mashg'ulot FOTO

Taassurotlar ancha yaxshi. SHahar markazidan biroz chetroq bo'lgan Ajmandagi bu mo'jaz mehmonxona osudalikni sevuvchi sayyohlar uchun ayni muddao.

Tashrifning birinchi kunidanoq mashg'ulotga kirishgan jamoa azolari, bugun kechki yig'inni Forz Ko'rfazi qirg'oqlarida olib borishdi. Bundan ko'zlangan asosiy maqsad ertaga bo'lib o'tadigan o'rtoqlik uchrashuviga tayyorgarlik ko'rishdir. Xabar qilinganidek, 5 fevral kuni “temiryo'lchilar” mahalliy “Al-Urooba” klubi futbolchilarini imtixondan o'tkazishadi. Bellashuv Toshkent vaqti bilan 18:15 ga tayin qilingan.

Andrey Miklyaev hamda Mirko Elichich futbolchilar bilan ikki mahaldan mashg'ulot o'tkazishmoqda. Birinchi yig'indan farqli o'laroq, yigitlar tayyorgarlikni stadionning o'zida davom ettirishyapti. Ular jismoniy tayyorgarlikni avvalgisidan anchagina yaxshilab olganliklari tufayli, endilikda to'p bilan ishlash, jamoa o'yin uslubini shakllantirish, turli hil taktik sxemalar ustida ishlash asosiy planga chiqqan. SHuningdek, kechki ovqatdan so'ng yigitlar nazariy mashg'ulotlar uchun to'planishadi.

Quyida sohilbo'yi mashg'ulotlaridan olingan fotosuratlarni taqdim etamiz. Ularda siz futbolchilarning bugungi holatini qisman bo'lsada his qilishingiz mumkin. Ertaga 18:00 dan boshlab esa tvitterdagi rasmiy sahifamiz – @LokomotivUzb’da “Al-Urooba” bilan o'yin tafsilotlarini yozib borishga harakat qilamiz. Bizni kuzatib boring.

\

 \